Da Begad ? ده بجد شوف اللي بتعمله بوست بجد ولا لأ

الثقوب دي إصابة حشرية مش بسبب عضة ثعبان ولا حاجة ، عادتا الإصابة دي بتبقى بسبب حشرة اسمها “توتا ابسلوتا” أو “سوسة الطماطم”، ودي مش سامة. زائد ان الثعابين حيوانات آكلة للحوم مش بتعض أو بتاكل فواكه أو خضراوات.

القصة دي حصلت مع اللاعب السعودي سالم الدوسري مع فريق فياريال الأسباني مش مع شيكابلافي ٢٠١٨ الفريق الأسباني نشر صورة سالم الدوسري بعد وصوله للفريق على تويتر فواحد علق على الصورة باستفتاء عن أسوأ لاعب في الفريق و سالم أخذ أعلى أصوات بسبب اعتقاد جماهير الهلال السعودي إنه تصويت مين …

الصورة دي من حدود قطر و الإمارات.و ده يوتيوبر إسمه تونى لطيف وكان رايح بعربيته الكهرباء من مصر الى الامارات مرورا بالاردن و بعدها السعودية و بعدها البحرين و بعدها قطر و بعدها الامارات. تونى لطيف كمان أكد ده و كتب بوست على صفحته

الصورة قديمة عملها الفنان الفلسطيني محمد طوطح سنة 2020، بعد انفجار مرفأ بيروت.

التماثيل دي كانت محطوطة في فيتنام مش في مصر بمناسبة العام القمري الجديد لسنة ٢٠٢٢ (عام النمر) و بالبحث في خرائط جوجل لقينا إن المكان إلي في  الخلفية ده هو البيت الثقافي لمدينة فو ثو (Phú Thọ) الفيتنامية   التمثيل دي أثارة ضجة بسبب شكلها و بعدها السلطات شالوها بعد …

الصورة مولدة بالذكاء الاصطناعي زي ما هو واضح على مواقع تحليل الصور. ثم ده ترام مش مترو ولحد دلوقتي مفيش ترام في العاصمة الإدارية.

صورة متعدلة بتركيب وش مستر بين على صورة قديمة لمريض بريطاني الفنان الكوميدي روان اتكينسون الشهير بـ (مستر بين) مش مريض و كان لسة ظاهر في لقاء تلفزيوني

ده مش هيكل عظمي ولا حاجة، ده تمثال فني عمله فنان أوكراني اسمه ألكسندر لادانيتس (Alexander Ladanetc)، نحته في ملاهي مائية اسمها أتلانتس في مدينة يالطا في الساحل الجنوبي لشبه جزيرة القرم واللي بتطل على البحر الأسود.

أولا ده ساحر بريطاني مش مصري اسمه ستيفن فرين (اسم الشهرة دينامو) و كان عمل الخدعة دي في لندن في نهر التايمز في ٢٠١١ ثانيا الخدعة دي بتتعمل عن طريق إنهم بيحطوا ألواح زجاج البليكسي عشان مش بتبان من المياه عشان كثافته تقريبا نفس كثافة المياه

الصورة مولدة بالذكاء الاصطناعي من تصميم مهندس اسمه حسن رجب بيصمم النوع ده من الصور وبينشرها على حسابه