Da Begad ? ده بجد شوف اللي بتعمله بوست بجد ولا لأ

دي نكتة قديمة بس مش حقيقية طبعا.. ولا الوزير الحالي اسمه كده ولا فيه وزير سابق بالاسم ده. الوزير الحالي اسمه  Yasuhisa Shiozaki و الوزير السابق اسمه تمورة (Norihisa Tamura)

الصورة من بورما فعلا بس ده كان اعصار اسمه نرجس حصل في 2008 و توفي فيه ما بين 85 إلى 130 الف. و دي كانت اسوأ كارثة طبيعية في تاريخ بورما.

خبر متفبرك. مفيش حاجة من الكلام ده على رويترز. و كل التقارير و البيانات الصحفية الصادرة من وزارة المالية السويسرية موجودة على الموقع بتاعهم و مفيش حاجة طبعا عن الموضوع ده.

دي واحة آرشي (Guelta d’Archei) في الصحراء الكبرى بتشاد.

الصورة لواحد من ضحايا عصابة تجارة مخدرات في المكسيك اسمها Los Zetas

فوتوشوب … دي الأصلية

الصورة قديمه من أيام أحداث العباسية اللي حصلت في مايو  في طريق وزارة الدفاع , ومش معروفه هوية صاحبة الصورة

كلام غير صحيح واشاعة منتشرة بأكثر من لغة عندك مثلا تمثال الاسكندر الاكبر في الاسكندرية الحصان رافع رجل واحده رغم ان الاسكندر توفي بسبب المرض ( وبعض الروايات تقول انه مات مسموم) لكن مكانش متأثر بأي جروح

ماذكرتش مصر خالص .. الكلام كله كان على نيلسون مانديلا

تأليف .. كل مقالات وتعليقات ستيف فوربس موجوده على موقع فوربس وعمره ما اتكلم عن مرسي و الصورة المستخدمة من 2009