Da Begad ? ده بجد شوف اللي بتعمله بوست بجد ولا لأ

مش حقيقي طبعاً ده مش السنة اللي فاتت ولا الحكومة الكندية لاحظت الشباب وسفرهم وعملت أي حملة ليهم .اللي عمل كده شركة بيرة كندية سنة 2013 كنوع من الدعاية والتلاجات كان فيها بيرة ، ومكنش فيها أي جمل أو كلمات .

فوتوشوب ، ده بركان في إندونيسيا و الصورة من فبراير 2014  

دي حادثة في نيجيريا في مدينة لاجوس. عصابة في نيجيريا ضربوا و حرقوا الولد ده عشان سرق أكل.

  ده فيديو قديم من سبتمبر اللي فات لانفجار صاروخ لـ Spacex في فلوريدا بأمريكا كان عليه القمر الإسرائيلي عاموس 6 و تمنه 200 مليون دولار كان هدفه توفير النت لأفريقيا بدعم من مؤسسة فيسبوك  

الحركة دي اسمها رقصة داب واول حد عملها فريق راب امريكي في 2015، وبعد كده بدأت تستخدم كأحتفال في كرة القدم والعاب تانية.

الصورة من بوليفيا ( دولة في أمريكا الجنوبية ) .ده شخص متهم بإغتصاب بنت عندها 4 سنين وماتت بعدها والشرطة مسكته، لكن السكان المحليين إقتحموا قسم الشرطة وطلعوه وقتلوه .

أي كلام طبعا دي أستيكة ومكتوب عليها إنها أستيكة eraser=أستيكة

فوتوشوب

ده مش مهر ولا ده عريس ، ده واحد إسمه فاضل بن عبد الله العمري أحد هواة جمع العملات والطوابع التذكارية في عمان وده عرض لوحة “عُمان العطاء” ودي أطول لوحة تبرع بالأوراق النقدية.  

الفضيحة مكانتش في تعيين صديقة ليها ، لكن كانت في ان صديقتها بتأثر عليها في كل خطاباتها وقراراتها ، والصورة من بكاء الرئيسة على العبارة اللي غرقت في 2014