Da Begad ? ده بجد شوف اللي بتعمله بوست بجد ولا لأ

اولا سورة التكوير غير مقررة على الصف الخامس الابتدائي السور المقررة هي القصص والحشر والملك كمان كتاب التربية الاسلامية 47 ورقة فقط يعني مفيش صفحة برقم 67 ، الصورة حقيقية لكن في دولة الأمارات ودي صورة من النسخة التجريبية لكتاب التربية الدينية سنة 2016 ، ووزير التربية والتعليم الدكتور طارق …

بايدن عنده بنت اسمها “آشلي” لكن مش اللي في الصورة. الصورة لمذيعة ومدونة روسية اسمها “كاتارينا بودار”.

مجلس الوزراء نفى الخبر وقال ان الدراسة مستمرة مع تطبيق الإجراءات الاحترازية. ومفيش اي خبر عن الإغلاق لحد دلوقتي.

كلمة  السيسي مجتزئة من مؤتمر صحفي على هامش القمة العربية الأوروبية الأولى في فبراير 2019 و ماكرون محضرش القمة دي واللي حضر هو وزير الخارجية الفرنسي وكلام السيسي كان موجه لصحفي اجنبي سأله عن حقوق الأنسان وتطبيق حكم الاعدام

الخبر كان نقلا عن صحيفة The sun الإنجليزية وبعدين بوجبا نفى الخبر على صفحته الرسمية وبعدين The sun عدلت الخبر.

الصور أثناء مهرجان الجونة من لقاءها مع قناة ON، والصور متعدل على ألوانها

فان دايك مصاب بقطع في الرباط الصليبي فعلا لكن دي صورة بطل الدرجات البلجيكي فيليب جيلبير ونشر الصورة على حسابه بعد إصابته بكسر في راس الركبة سنة 2018. https://www.instagram.com/p/Blpp8mdgmvx/

الصورة قديمة من 2016 في محافظة الفيوم لطلبة مدرسة الشواشنة الابتدائية  وهما بيعدوا من على الجسر الخشبي قدام المدرسة بتاعتهم .

الحادثة قديمة و مش في مصر دي كانت سنة 2019 في منطقة عين السبع في مدينة الدار البيضاء في المغرب.    

الواقعة حصلت سنة 2019 في مدينة الجلفة في الجزائر مش في مصر، ووقتها كان الشيخ عنده 75 سنة وزوجته عندها 47 سنة.