Da Begad ? ده بجد شوف اللي بتعمله بوست بجد ولا لأ

دي صورة لحشد “Nuremberg Rally” وكان فيه حوالي 800 ألف شخص ، انما اكبر حشد في تاريخ البشرية كان في مهرجان في الهند وكان في 2013 وكان فيه 30 مليون شخص

دي صورة في انديانابوليس في امريكا من 2011

اللي تحت على اليمين بيعبر عن الجيش العراقي . اللي عدل الصورة شال الـ 3 نجوم من الصورة الأصلية عشان يبان إنه علم مصر .

غادة والي نفت التصريح ده وقالت ان الإنجاب من اختصاص وزارة الصحة والسكان، هي قالت الأسر اللي بتنجب 9-6 أطفال بدون رعاية وتعليم لازم يتحاسبوا.

دي اشاعة تم نفيها و الصورة قديمة لخزائن أموال داعش

مش حقيقي، ده خبر طلعه موقع مغمور وملوش مصدر، ومفيش ولا دولة عربية موجودة في برنامج السفر بدون فيزا.

ال E120 ده لون طبيعي بيتم إضافته للحلويات والعصائر عشان يلونوها باللون الاحمر. الكلام على ان المادة دي مسرطنة أو من الخنزير أو انها بتسبب حساسية غلط تماما بالعكس استخدامها افضل من استخدام الألوان الصناعية و مصرح باستعمالها دوليا. الخطر الوحيد هو لو حد عنده حساسية منها ( زي لو …

دي إشاعة منتشرة في دول الخليج من فترة كبيرة ، ووزارة الصحة في أكتر من دولة نفت الكلام ده . وكمان مفيش أي مرض حتى الأن إسمه “Sol” ، مرض السل إسمه “Tuberculosis” .

اولا التويتة دي مضروبة مش موجودة على صفحة الاتحاد الافريقي على تويت. ثانيا بنيامين موكاندجو اخد انذار قدام غانا بس , ماخدش انذار في ماتش السنغال بالتالي كان من حقة يلعب النهائي ( كان واخد انذار في ماتش بوركينا فاسو في الدور الأول بس طبعا انذارات الدور الأول بتسقط في …

افضل حارس في البطولة هو اندوا حارس الكاميرون، لكن مصر خدت جائزة اللعب النظيف والحضري استلمها.