Da Begad ? ده بجد شوف اللي بتعمله بوست بجد ولا لأ

الحسابات علي تويتر بتبقي لناس كثير عاملاها ومش نشطة عليها فممكن البرنامج دا يعتبرها حسابات مزيفة ودي صور من ناس كثير مشهورين وواخدين نفس النسبة تقريباً مش باسم بس

فعلاً لما تحط المنتوس مع كوكاكولا (خصوصاً الدايت) هتعمل نافورة زي الي في الصورة بس مع الإنسان مش هيسبب إنفجارفي جدار المعدة ولا هيسبب الوفاه بس هيعمل انتفاخ جامد وغالباً هيسبب قيء وبطنك هتتعبك .. فبلاش تجرب فيه علي يوتيوب ناس كثير مجربين لو عايز تشوف هيحصل ايه

الصور من السعودية فعلاً بس دول يمنيين كانوا بيحاولوا يتسللوا للسعودية

ديه حكاية توأم في أمريكا جيسكا وجينيفر بعد لما اتجوزوا وكل واحدة فيهم كانت حامل خلفوا في نفس اليوم وفي نفس المستشفي واحدة جابت بنت وبعد 8 ساعات ونص التانية جابت ولد بس كده

كمية الناس الي مصدقة الموضوع دا وبتعمله شير رهيبة ولاً – طب لو رقمي 1221 مثلاً ؟ أو 2222 ؟ يبقي حلال في السرقة ؟ طب بلاش الحرامي هيفضل قاعد مستني لحد ما البوليس ييجي ؟ دة لو البوليس بيجي في العادي اصلا الموضوع اصله فكرة من واحد اسمه جوزيف زينغر …

أولاً , الصورة من تايلاند مش بورما ثانياً معظم الناس برة بتقول ان دول اكلي لحوم بشر بس الحقيقة ان دول مجموعة انقاذ متطوعين في تايلاند اسمهم por -tek – tung (بوذيين) اتأسست من قبل المهاجرين الصينيين هناك (علشان كده في كلام صيني علي الهدوم) ودي كانت جثة بيقطعوها عشان ياخدوا الهيكل العظمي لغرض …

التحذير دة موجود من سنة 2001 مبدئياً الست الي في الصورة هي الايرانية ندا أغا سلطان قتلت بالرصاص في اثناء الاحتجاجات التي تلت الانتخابات الرئاسية سنة 2009 واصلا هل دا منظر واحدة ماتت مسمومة ؟؟ وطبعاً موضوع أكل الجمبري مع فيتامين سي بيجيب تسمم دة أي كلام اضربوا جمبري ونوروا …

مفيش اي بحث اتعمل بيقول ان المادة الي في ضهر الكارت بتسبب السرطان ومفيش هيئة اسمها هيئة البحوث الطبية في الولايات المتحدة واصلا مفيش مادة اسمها نايترو اوكسيد الفضة فيه مادة اسمها اكسيد النيتروس ودي معروفة باسم غاز الضحك والخامة الي معمول منها الجزء بتاع الخربشة اسمه لاتكس وعلي العموم …

سبحان الله فعلاً , دا فيلم ياباني اسمه gamera the brave انتاج سنة 2006

سبحان الله .. الفيلم اتعمل سنة 2012 و صورة الراجل ميت في 2001 و بعدين ده منظر واحد مات محروق؟