Da Begad ? ده بجد شوف اللي بتعمله بوست بجد ولا لأ

دي ثورة لإنقاذ غرق مركب كان عليها مسلمين من مينامار (بورما) و كانوا بيحاولوا يوصلوا أندونسيا و أسترليا عشان يعملوا لجوء. و دول مش شرطة .. دول البحرية السريلانكية و الراهب البوذي كان بيتكلم مع المصابين.

الصورة من مقابلة مرسي مع ممثلي الاتحادات الطلابية في قصر الاتحادية يوم 4 مايو 2013 واحد ابن حلال حب يهزر زود الراقصة (Liza Vegrova) وناس خدوها وفبركوا كلمتين عليها وناس صدقت عادي جدا.

مفيش حاجة اسمها تم اختراق الفيسبوك .. أي حاجة بتطلع على صفحتك بتبقى عن طريق تطبيقات انت استخدمتها و سمحتلها تنشر حاجات بالنيابة عنك. لو مش عايز حاجة مشبوهه أو اباحية تطلع على صفحتك يبقى من الأول ماتستخدمش تطبيقات مشبوهه أو اباحية أو تحاول تشوف حتى أو تعمل لايك لأي …

الفيديو في قرية اسمها كيسي في كينيا لحرق مجموعة من المشعوذين و السحرة بعد اتهامهم بالقيام بأعمال السحر. الموضوع ده اتكرر أكتر من مرة و في أكتر من فيديو لحوادث من النوع ده في كينيا و غينيا و دول أفريقية تانية.

الإشاعة قديمة بس كانت على كوكاكولا غيروها و بقت بيبسي و حطوا التاتش بتاعهم. E224 – Potassium Metabisulfite E221 – Sodium Sulfite المادتين دول مش بيسببوا السرطان ولا حاجة دول بيستخدموا في منع نمو الميكروبات و الجراثيم و تنقية السوائل من الكلوريدات و ايضا كأحد المواد الحافظة للطعام و الإتنين …

الحكاية ان دونالد فيشر مؤسس شركة جاب كان هيسمي الشركة عند تأسيسها في 12 يوليو 1969 بإسم Pants & Discs لإنه كان بيبيع بنطلونات LEVI’S قبل ما يعمل الماركة الخاصة بتاعته هو و مراته دوريس. بس دوريس لحقته بإسم GAP (فجوة) و تعني الأختلاف بين أذواق و ستايل و شكل …

الصورة لطفل من كمبوديا في بحيرة (Lake Tonle Sap). حوالي ربع تعداد كمبوديا ال 20 مليون بياكلوا عيش منها سواء من كمية السمك الكبيرة اللي هناك أو من الزراعة. ودي وسيلة التنقل بتاعت الأطفال في البحيرة دي. متوسط الانجاب في الأسرة الواحدة تسع أطفال .. بعد ما يوصلوا لسن 8 …

ده كان زلزال في شيلي سنة 2010 – قبل انتاج الفيلم اصلا. و ده مبنى سكني مش سينما

فوتوشوب و دي أصل الصور

القصة والمعلومات غير صحيحة بالمرة بالعكس لما أدوية الكحة تتاخد مع اللبن ده بيبقي أحسن للمعدة في البوست الأصْلي مكتوب كمان الادوية كلها مش الكحة بس.. و ده برده غير حقيقي