Da Begad ? ده بجد شوف اللي بتعمله بوست بجد ولا لأ

الفيديو في إيران والاغنية متركبة على الفيديو.  

دي مش المستشفى الجديدة، ده فندق كان مستخدم كحجر صحي في مدينة تشوانتشو. يذكر ان الفندق تم افتتاحه سنة 2018 ولكن مستشفى ووهان اتبنت سنة 2020. وسبب الانهيار لسه مش معروف.

ده فيديو تركيب كانت نشرته قناة على يوتيوب سنة 2017 على اساس ان ده كوكب نيبيرو ( Planet X ) وكانوا بيقولوا انه هيبقى سبب نهاية كوكب الأرض في 23 سبتمبر 2017

الصورة من تدريب تركي باكستاني مشترك و شايلين منها صورة الجندي التركي اللي واقف. الصورة التُقطت خلال تدريب مشترك بين القوات التركية الخاصة والقوات البحرية الباكستانية و منشورة في يوليو 2019

الصورة في هولندا سنة 2016 لنسر مدرب من الشرطة الهولندية على صيد الدرون الغير شرعية. في اواخر 2017 قررت الشرطة الهولندية ايقاف استخدام النسور بسبب عدم تنفيذ المطلوب منهم.

الصور في الجزائر بعد وصول طائرة اجلاء الرعايا الجزائريين من الصين. كان على متن الطائرة 127 مسافر من بينهم 24 راكب صيني وتوجهوا بعدها مباشرة لموريتانيا وباقي المسافريين دخلوا الجزائر. يذكر ان عدد المصابيين بفيروس كورونا في الجزائر هو 12 حتي الان.

الحرم كان فاضي النهارده فعلا للتعقيم بسبب فيروس كورونا لكن الصورة دي قديمة لمجسم سنة 2009. صور من #السعودية | إغلاق أبواب الحرم ومنع الدخول.. وبدء تعقيم الحرم بالكاملhttps://t.co/SYYrCPwg4N pic.twitter.com/RsVKCG2Xln — الخليج أونلاين (@AlkhaleejOnline) March 5, 2020 وبداية من النهاردة سيتم ايقاف العمرة مؤقتا وهيتقفل الصحن والطواف حول الكعبة والمسعى …

انتشرت الاشاعة على فيسبوك اكتر من 77 الف مرة ولكن دول مش ميتين، دي حركة تظاهرية للاعتراض على الاعتدائات ضد المتظاهرين في مظاهرات قانون الجنسية الجديد. المظاهرات بسبب قانون الجنسية الجديد اللي بيسمح بالحصول على الجنسية لغير المسلمين فقط. وبسبب اشتباكات طائفية في نيودلهي بين مؤيدي ومعارضي القانون مات العشرات واصيب المئات.

خبر كاذب الفاتيكان نفوه, هو كان عنده دور برد بس. كمان الموقع اللي نشر الخبر( موقع اسمه MCMNT ) ده موقع مغمور لسه معمول الشهر ده ( مارس 2020 ) الفاتيكان اعلنوا في بيان يوم الأربعاء 4 مارس ، قال فيه المتحدث باسم الفاتيكان ماتيو بروني إن نزلة برد البابا …

خبر مش حقيقي، وده مش موقع الجمهورية الرسمي ده موقع منتحل اسمه وموقع الجمهورية نفى صلته بالخبر.