Da Begad ? ده بجد شوف اللي بتعمله بوست بجد ولا لأ

الصورة الاولى نزلتها بيبسي فعلا على صفحة بيبسي بلجيكا، لكن الصورة التانية مش كوكاكولا اللي عملتها.

الصورة من حفل تكريم محجبات في بلدية صيدا في لبنان… و بالنسبة لألمانيا فالحجاب مسموح به عادي في الشوارع لكن كان ممنوع على المدرسات في نص الولايات من 2003  وعلي موظفي الخدمة المدنية  في ولاية Hesse و تم السماح به من قريب بحكم من المحكمة الدستورية بالنسبة للمدرسات.

لأ حد غيرها ( و مش شبه بعض حتى ) صاحبة الصورة اسمها منال و وضحت ده عندها في الصفحة. انجي كمان وضحت انها مش صورتها.

فوتوشوب الحارس معمول أطول من الحقيقة ( قال يعني ناقص طول ) و بتوع شركة الأمن الخاصة راسهم متغير اتجاهها علشان يبقوا بيبصوله لفوق.

مش حقيقي… الصورة قديمة من 2012 لصحفية اسمها نور تاجوري و كانت الصورة تعبير عن حلمها أنها تبقي أول مذيعة محجبة في أمريكا لكنها لسه مبقتش مذيعة.

الشركة المطورة للبرنامج نفت الكلام ده، البرنامج بيحتاج الميكروفون عشان يردد كلامك او يرد علي اسئلتك، وبيستخدم الكاميرا لقراءة تعبيرات الوجه لكن مش بيصور او يحفظ صور. ممكن تشغل نظام child mode عشان الاسئلة تتناسب مع الاطفال. معظم البرامج بيكون ليها الصلاحية للوصول للصور والمكان والميكروفون والاسماء،……

مش حقيقي… أحمد الشقيري المذيع اسمه أحمد مازن الشقيري و والده كان رجل أعمال زائد أنه مولود في 1973. أحمد الشقيري رئيس منظمة التحرير اتولد 1908 و اسمه أحمد أسعد الشقيري.

الصور اللي عاليمين قديمة و ملهاش علاقة بالأحداث الجارية و الصورة اللي عالشمال لشهيد في أحداث سيناء الأخيرة.

الحفلة كانت يوم السبت في جنوب سيناء و التفجيرات كانت يوم الاحد في شمال سيناء. و اللي في الصورة دول حراسات  خاصة من شركة الفرات للأمن.

الصورة من تايلاند لطفل عمته عذبته عشان كانت بتقول أنه سرق حلويات من محل جنبهم.