Da Begad ? ده بجد شوف اللي بتعمله بوست بجد ولا لأ

البوست ده فيه كذا مغالطة: أولا: ADSL اختصار Asymmetric Digital Subscriber و كلمة Asymmetric بعنى غير متماثل و المقصود إن سرعة التحميل (download) أكبر من سرعة الرفع (Upload) و ده معروف إنه للإستخدام المنزلي. ثانيا: السرعة المقدمة 512 كيلوبيت (Kilobit -Kb) مش كيلوبايت (Killobyte -KB) فى الثانية  و الكيلو (بايت)=8 …

شعار القبضة بيستخدم من زمان جدا و بيرمز للوحدة و الصمود و المقاومة و فيه حركات و احزاب كتير جدا فى كل دول العالم بيستخدموه و ده مش معناه إنهم تبع بعض نهائيا.

مش دى المجموعة اللى توفى منهم أربعة دى رحلة تانية و “الرحلة خانة” وضحت ده على صفحتها.

الطفل مروان كان ماشى مع مجموعة من اللاجئين السوريين متجهين للأردن بس كان متأخر شوية و رجع لوالدته بعد الصورة دى بشوية بعد ما عبروا الحدرد.

الحادثة دى حصلت فى نيجيريا سنة 2012 لأربعة طلبة راحو قرية و بعدين تم إتهامهم بالسرقة و حرقوهم. طريقة العقاب بالضرب و السحل و بعدين الحرق منتشرة فالمناطق النائية هناك.

الكويكب هيكون على بعد مسافة أقل من 9 أضعاف بعد الأرض عن القمر و بالرغم من إنها بالحسابات الفلكية تعتبر مسافة قريبة الإ إنها وفقا لكل المصادر هيمر بأمان و بدون حدوث مخاطر.

ده مش حراس بوتين ده إسمه Vladimir Petrov من اساطير لعبة هوكيالجليد فى روسيا و العالم. الصورة من إفتتاح الأولومبيات الشتوية و كان موجود فى المقصورة تكريما له.

دى صورة من فيديو لواحد فى سوريا. https://www.youtube.com/watch?v=Cf7VMzheV7c  

ده المفروض إنه إعلان تليفون فيه إمكانيات كتير منها إنه بيعمل قهوة و فيه ماكينة حلاقة !! كل ده مش حقيقى ده كان جزء من حملة دعايو عملتها نوفا سكوتيا سنة 2008 و الناس لسه مصدقين الموضوع لحد دلوقتى.

الصورة قديمة من 2008 مالهاش علاقة بزيارة مصر.