Da Begad ? ده بجد شوف اللي بتعمله بوست بجد ولا لأ

ده فيديو لعنف الشرطة في انجولا ضد المهاجرين.

اشاعة تم نفيها

الفيديو قديم من 2011 في منطقة اسمها صحراء خشوم في شمال وسط ليبيا.

صورة قديمة و ملهاش أي علاقة بالأحداث الحالية

التصوير كان بكذا كاميرا و كان فيه كرين فعلا بس الصورة دي تركيب واضح على لقطة من الفيديو الأصلي .

ده مش الجيش الليبي. ده محمد عبد الكافي الناطق باسم المجلس الأعلى للدفاع بحكومة عمر الحاسي في طرابلس و دي غير معترف بها دوليا و تم تكليفها من قبل المؤتمر الوطني العام المنتهية ولايته.

صورة قديمة لجماعة مسلحة من حركة طالبان اتقتلوا على يد الجيش الباكستاني ردًا على هجوم مدرسة بيشاور. تحذير: صور مؤلمة في المصادر.

ده مش موقف انتظار باصات ولا حتى في اليابان. دي مكتبة مصغرة في احد شوارع مدينة بوجوتا عاصمة كولومبيا.

يوم تفجيرات العريش ( 29 يناير ) ماكانش فيه ماتشات في كاس امم افريقيا ولا أي ماتش تاني ابو تريكة بيحلله.

مفيش زلازل في روسيا في اخر اسبوع. هيئة المسح الجيولوجي الأمريكية اعلنت ان في زلزال بقوة 6.8 درجة قرب الحدود مع روسيا البيضاء لكن نفت بعد كده بسبب خطأ أجهزة الاستشعار في تحديد مكان الزلزال، الزلزال كان في منتصف المحيط الأطلنطي على بعد نحو 1100 كيلومتر جنوب جرينلاند.