Da Begad ? ده بجد شوف اللي بتعمله بوست بجد ولا لأ

فوتوشوب، الاعلان الحقيقي مكتوب فيه “ورينا همتك..واحنا نمولك” واحنا رحنا صورناها عند نفق الملك الصالح عشان نتأكد أكتر.

هي مراته فعلا أكبر منه بـ25 سنة وكانت مُدَرّسته في المدرسة. بس دي مش صورته طبعا، ده اعلان دراجات في 2014.

تركيا محضرتش الجلسة أصلاً، لأنها مش عضو في المكتب التنفيذي الحالي لليونسكو، يعني ملهاش حق التصويت أو الامتناع من الأساس، ومصر حضرت الجلسة فعلاً وصوتت لصالح قرار المشروع      

مش حقيقي ، ده مش إعلان عن زيادة البنوك للفوائد. ده إعلان لشركة عن صندوق استثمار عقاري و ال 26٪ دول معدل العائد التراكمي المستهدف من الشركة لو خططها اتحققت ( يعني مش عائد مضمون ، ممكن يتحقق و ممكن لأ ) كمان الهيئة العامة للرقابة المالية الزمت الشركة بإزالة …

إشاعة وقناة سبيستون نفت الخبر.

دي حملة اسمها allredallequal#  لنبذ العنف و المساواة  واحترام التعددية أطلقها نادي مانشستر يونايتد، و هما عاملينه بالألوان دي عشان يبقى مشابه لعلمهم ، ومالوش أي علاقة بعلم مصر ولا سوريا ولا اليمن ولا العراق اللي بنفس الألوان دي

مش حقيقي ، العظام الموجودة في السراديب دي إتجمعت من المقابر الموجودة في باريس ، وده كان حل لمشكلة إكتظاظ المقابر دي بأعداد كبيرة جداً من الموتى نتيجة الدفن الجماعي وتسبب في وجود جثث كتيرة متحللة ومقابر مفتوحة .

الصورة من بيروت ، لبنان ، (ومافيش جبل في خلفية كوبري أكتوبر بالمناسبة)

دي الكاتدرائية المرقسية مش جامعة الازهر، واللي فبرك البوست نسي يعمل كروب للصليب من تحت.

ماكيدا مجالوش رباط صليبي بسبب الاحتفال، هو جاله جذع خفيف في القدم بسبب انه كان مصاب قبل كده بالرباط الصليبي.