سياسة

مافيش أي وفيات أو اصابات .. عربيتين بس تم جرفهم و بيتم تجهيز الحوض اللي حصل فيه التسريب للعمل من جديد.

ماقالتش كده أولا هي كانت بتتكلم عن التعليم في العموم مش مناهج الأزهر . ثانيا قالت عايزين متخصصين و خبراء في التربية و التعليم و أساتذة جامعة يتدخلوا في مناهج مايبقاش الدور مقصور بس على الأزهر. ثالثا بخصوص نقطة الأفلام .. قالت التطرف مفروض مايتحاربش بالأمن بس لازم يتحارب بالفكر …

أولا القرار ده لحاملي الجوازات الدبلوماسية والخاصة. ثانيا المسيحيين في جنوب السودان حوالي %60 مش %98 ثالثا مواطنين شمال السودان ممكن يدخلوا مصر بدون تأشيرة لمدة 3 شهور لكن للسيدات و الأطفال تحت 16 والرجال فوق 50 سنة.

أولا دي دراسة لسة مش قرار. ثانيا الموضوع مش إلغاء مجانية التعليم في المطلق دي الدراسة الجامعية بس و اللي هيدفع المصروفات كاملة هو الطالب اللي هيسقط. ( الأقتراح هو ان اللي هيجيب اكتر من %70 مش هيدفع .. لو جاب نسبة ما بين %65 لـ%70 يدفع نسبة من المصروفات …

الزعماء كانوا في مسيرة لوحدهم.

وزير الزراعة الدكتور عادل البلتاجي نفى الخبر.

وزير التجارة الكويتي نفى الإشاعة و قال انه ماستقبلش أي وفود مصرية و انه راح مع الوفد الكويتي اللي استقبل و ودع السيسي بس و كان سايب تليفونه في العربية كمان.

دي مظاهرات للشيعة في القطيف في أكتوبر 2014 اعتراضا على حكم الإعدام  لرجل الدين الشيعي السعودي المعارض نمر النمر

فوتوشوب طبعا و واضح من الخط المستخدم. ده العدد الأصلي

الجارديان كتبوا كده فعلا بس أمل علم الدين نفت الكلام ده و السلطات المصرية كمان نفت. القصة اصلها في أول 2014 لما كانت هتنشر تقرير بتنتقد فيه القضاء و خبراء حذروها انها ممكن يتم القبض عليها لو نشرت التقرير من القاهرة فنشروه من لندن.