سياسة

بالرغم من إن البوست كان معمول تريقة ، و إن “لويد كريسماس” هو الشخصية اللي جسدها الفنان جيم كاري في فيلم (غباء في غباء) ، و إن الصورة اللي في البوست للممثل شون كونري بطل أفلام جيمس بوند ، لكن فيه ناس صدقت!!

الله يرحم كل الضحايا بس ده فيديو قبل الحادثة بتاريخ 27 مايو 2016 https://www.youtube.com/watch?v=yQJexi_BP0E

معركة حطين كانت بقيادة صلاح الدين الأيوبي سنة 1187 ميلادي وكانت ضد الصليبيين ,أما اللى حارب الحيثيين فكان رمسيس الثاني مش رمسيس الثالث في معركة إسمها قادش وكانت سنة 1274قبل الميلاد ,أما معركة عين جالوت فكانت بقيادة سيف الدين قطز سنة 1260 ميلادي ,وكانت ضد المغول لصد هجومهم على مصر …

اللي منزل البوست ده أردني وبيتكلم عن التعديلات في الأردن لكن بيتعمله شير هنا وفاكرينه في مصر.

أميرة نفت الخبر ده، والسيسي كان في نيويورك اصلا.

ده مش خطأ املائي، الكلمتين صح وكانت تكتب مائة للتفرقة بين “منه” و “مئة” قبل استخدام النقاط والهمزات، واجاز مجمع اللغة العربية بالقاهرة سنة 1963 حذف الالف.

الفيديو ده لمشروع جسر الشيخ جابر الأحمد الصباح في الكويت. ومحافظة جنوب سيناء وإدارة المحميات بشرم الشيخ نفوا الكلام ده، وقالوا كمان لن يبدء العمل في المشروع قبل أن ينتهي القضاء المصري من نظر القضية بحق ملكية جزيرتي تيران وصنافير.

خالد مجاهد المتحدث الرسمي لوزارة الصحة نفى الكلام دة وقال بالنص ( أن ما يتردد على مواقع التواصل الإجتماعي بأن يتم الكشف على السيدات في الشارع أمام المارة فهو كلام قليل الأدب وغير محترم ) ده غير إن الكشف ده بيتعمل من زمان عشان يتأكدوا إذا كانت الأم محتاجة لبن …

مخرج الفيلم وعمرو واكد نفوا منع الفيلم وقالوا انه اتأجل لاجازة نص السنة عشان لسه شغالين فيه. في خبر بيقول إن فيلمي القرد بيتكلم إتمنع. ده خبر كاذب. الفيلم لم ينتهي ويجهز لعرضه في العيد ففضلنا نأجل عرضه لأجازة نص السنة.الحق حق. — Amr Waked (@amrwaked) September 10, 2016

عمته نفت الكلام ده على صفحتها وقالت انه فعلا اتهجم على أحد افراد الأمن ، وإتصلنا بيها للتأكد وقالتلنا انه افكاره متطرفه واتضحك عليه واتعمله غسيل مخ وحاولوا معاه كتير عشان يبعدوه عن التطرف ولكن رفض وان اخوه زياد اكد كلام عمته على صفحته ولكن حذفها بعد الهجوم عليه ، …