سياسة

أولا ده مش كتاب الوزارة ده كتاب خارجي .. ثانيا ده كتاب ثالثه ثانوى ثالثا كتاب الوزاره مفهوش أى اسماء ولا أى صور لأى حد من تمرد

دى مش اشارة رابعة هو كان بيقول ان بعد مرور 4 سنين فى سوريا فيه 200 الف واحد اتقتلو ولسه مفيش حل للأزمة الترجمة العربي فى الدقيقة 9:44 . و الترجمة الإنجليزي فى الدقيقة 10:09.

صورة يافطة السيسي فوتوشوب

أولاً: الغلاف مضروب و الوزارة نفت الكلام ده ثانياً: مافيش حاجة اسمها دراسات اجتماعية في ثانوي (فيه تاريخ و جغرافيا) ثالثاً: كتاب تاريخ أولى ثانوي عن مصر القديمة و ده شكله

ده كان أقتراح للمجلس المحلي في الجيزة سنة 2000 مش من الرئاسة و تم الموافقة لكنه لم ينفذ بشكل رسمي و فضل أسمه شارع انس ابن مالك لحد دلوقتي.

ولا السيسي ولا البعثة الدبلوماسية الحالية ليهم علاقة بالمخالفات دي. فيه مخالفات بحوالي 2 مليون دولار لبعثة مصر فعلا بس دول مخالفات لحد سنة 2002 بعد كدة القانون اتغير و مخالفات بعثة مصر من2002 لحد دلوقتي أقل من 5000 دولار.

أولا دي صورة زياد الجراح مع محمد عطا ( بتوع احداث 11 سبتمبر ) مالهمش أي علاقة بأبوبكر البغدادي. ثانيا ابوبكر البغدادي أسمه الحقيقي ابراهيم عواد ابراهيم علي البدري .. بالتالي أخوه أكيد اسمه مش هيبقى محمد بكر البغدادي. اللي طلع الخبر موقع اسرائيلي ساخر و فيه مواقع افتكرته بجد

البنت اللي نايمة ( Milly ) مش بنت الأب و الأم اللي بيتجوزوا بنتهم اسمها ( Rosy ) و ليها أخ اسمه ( Billy ) و ده واضح في أول درس في الكتاب.

وزارة الأوقاف نفت الكلام ده و قالت ان قرار الوزارة هو عدم استخدام مكبرات الصوت في اقامة الصلاة أو الصلاة نفسها أو قرأن الفجر و التواشيح اللي قبل الصلاة

ده مش أوباما. ده جندي أمريكي اسمه Jeffrey Hodge بيبكي على 3 جنود من وحدته أتقتلوا في تفجير مدرعة في أفغانستان.