تكنولوجيا

الرقم اللي بيظهر لما تعمل الكود ده اسمه IMEI والرقم ده مالوش علاقة بمكان التصنيع أو جودة الصناعة للموبايل

أي كلام. أولا ستيف جوبز مش هو اللي عمل اللوجو .. اللي عمل اللوجو مصمم اسمه Rob Janoff و قال ان ستيف جوبز لما قابله ماطلبش منه أي طلبات في اللوجو غير انه مايبقاش شكله ( كيوت ) .. و بس كده .. ماقلوش أي افكار يحطها. ثانيا المصمم ماكنش …

الفكرة مش كده خالص . طريقة التسوق دى موجودة من 2011 فى كوريا الجنوبية  و اتعرضت فى برنامج خواطر 8 سنة 2012. و هى متاجر وهمية عملتها شركة هوم بلس موجودة فى محطات المترو كحل للتوسع من غير زيادة عدد المحلات . و ده عن طريق بوسترات مطبوع عليها المنتجات …

ده مش حمام و مش فى اليابان . ده كان معرض للالعاب فى ألمانيا سنة 2007 و سونى عرضت فيه PlayStation 3 لأول مرة .

الصورة من الصين سنة 2010 و كانوا بيحتفلوا بانتهاء الامنتحانات.

التليفون Micromax ( هندي ) مش S3. فيه حالات التليفون ممكن ينفجر لو بتستعمل ماركة رديئة أو لو البطارية أو الشاحن مضروبين.

الفكرة دي بتاعة مصمم اسباني اسمه مانيل توريس بيرش سبراي على الجسم فيتحول لملابس. التكنولوجيا الجديدة دي سموها Fabrican

دي كانت فكرة واحد مصمم في 2007 للتحكم في جهاز Apple TV و طلعت اشاعة انه حقيقي و ان شركة أبل هتنتجة .. المصري حط التاتش و بقى جهاز تعقب للمتزوجين. في 2014 فيه شركة نفذت الفكرة الأصلية و انتجت خاتم للتحكم في أجهزة أبل.

ده EXTENSION انت بتضيفه للـ BROWSER اللى شغال عليه و مش هتشوف غير الناس اللى بتستخدم نفس EXTENSION ده عندهم. فيسبوك مبيسمحش ان حاجة زى دى تتعمل حتى بواسطة تطبيق. و بينصح بعمل ريبورت لأي تطبيق بيقول انه هيخليك تشوف مين زار بروفايلك

أي كلام طبعا مفيش حاجة أسمها حد يشتري الانترنت! الخبر نزله موقع متخصص في تأليف الأخبار الساخرة و كاتبين كده بنفسهم. غير إن الخبر نفسه مكتوب فيه كلام ميتصدقش زي ان فيسبوك بيمتلك ٣ دول كاملة.