سياسة

الترجمة كلها تأليف، والفيديو من 2016 أثناء حملة ترشح ترامب لرئاسة أمريكا، يعني قبل ما يبقى رئيس وقبل زيارته للسعودية، وكانت بتتكلم عن نجاح والدها ومذكرتش السعودية في كلامها

مش حقيقي، بنت الوليد ملهاش اي صفحة رسمية على الفيسبوك ومفيش اي خبر زي ده على حسابها الرسمي على تويتر.

مش خطاب ممنوع ولا حاجة و اتذاع في التليفزيون بعد تنحي مبارك و موجود على يوتيوب من 2011

الصورة من العراق لطفل عنده 10 سنين والده حبسه و عذبه و بعدها أتقبض على الأب و تمت احالته للقضاء .

ده محامي اتمسك في وضع مخل في أسيوط سنة 2011

الصفحة اللي نزلت البيان ده مش صفحة رسمية ( و اتقفلت ) المتحدث باسم الحملة قال إن الخبر مش حقيقي و ان الحملة لسة بتدرس موقفها النهائي من خوض الانتخابات الرئاسية. و الصفحة الرسمية قالت انهم هيعملوا مؤتمر صحفي يعلنوا فيه موقفهم يوم الأربع 24 يناير 2018 الساعة 6 مساء.

مش حقيقي، وإمارة “مكة المكرمة” نفت الخبر ده. كمان الإيميل المحطوط تحت للتسجيل مش صح ومكتوب أنه على دومين info.com@.

مش حقيقي، ترامب مكنش ليه خطاب في 2017 أمام منظمة الايباك لكن كان فيه خطاب لنائبه ومقالش الكلام ده. وخطاب ترامب في 2016 أمام المنظمة متذكرش فيه حاجة.  

فوتوشوب.، الخبر الأصلي من جريدة المساء بتاريخ 2017/11/24 بعنوان (نجوم مصر يبايعون السيسي في مؤتمر ”كلنا معاك”).

مش حقيقي، ده طفل إسمه”Jake Monreal” ودي مدربة رقص وإسمها”Jenna Johnson” والفيديو سنة 2016 من برنامج  “So You Think You Can Dance : The Next Generation”