سياسة

الصورة الأولى فوتوشوب عملها متطرفين يهود سنة 2011 و ده مسجد قبة الصخرة اللي هو جزء من المسجد الأقصى اللي بيشمل كل المنطقة المحاطة بالسور زي قبة الصخرة والمسجد القِبْلي والمصلى المرواني..الخ). الصورة التانية قديمة من 2009 و الأعلام كانت محطوطة بشكل مؤقت بمناسبة الأحتفال بعيد يهودي ( عيد الحانوكاه ). …

مش حقيقي ، ده موقع لتعديل الصور .

صورة قديمة من 2014 ودي عضوة في البرلمان الأوروبي من اسبانيا. * “ماريانو راخوي” رئيس وزراء اسبانيا ، وده راجل مش ست 🙂

الفيديو من حلقة قديمة في يناير 2014 أيام ما كان عمرو أديب بيقدم برنامج “القاهرة اليوم” على قناة “اليوم” وكان بيتكلم فيها عن بيان قطر اللي انتقدت فيه قرار مصر باعتبار جماعة الإخوان منظمة إرهابية. حالياً عمرو أديب بيقدم برنامج “كل يوم” على قناة “ON E”.

الصور من مظاهرات في السعودية سنة 2014 مش من قطر

المسؤول عن الإعلانات على تاكسي لندن وكالات إعلانية أي حد يقدر يتواصل معاها للإعلان على تاكسي لندن، والسائق مش بيختار الإعلان اللي بيتحط على عربيته، وبيكون ده مصدر دخل إضافي ليهم بغض النظر عن محتوى الإعلان. شركات كتير عملت إعلانات على تاكسي لندن زي فودافون، والخطوط السعودية، ومواعيد مباراة كأس …

فوتوشوب. الصورة الأصلية نزلت على صفحة قطرية قبل الصورة المتفبركة بيومين. الصورة الأصلية: الصورة المعدلة:

فوتوشوب بوتين مش موجود في الصورة دي اصلا

مصر ما ينفعش تمنع أي دولة من المرور في قناة السويس لأنها ممر ملاحي عالمي والمرور فيها بينظمه اتفاقية القسطنطينية سنة 1888 اللي بتنظم حرية الملاحة فيها. اللي حصل إن السفن القطرية غيرت مسارها لتجنب المرور في قناة السويس.

الفيديو منتشر على النت من 2011 على إنها مساعدات عسكرية من الجيش السوداني للثوار في ليبيا . * عمر البشير ليه تصريحات قال فيها إنه قدم مساعدات للثوار في ليبيا رداً على دعم القذافي لعمليات تمرد في السودان .