Da Begad ? ده بجد شوف اللي بتعمله بوست بجد ولا لأ

اشاعة ابتدت من على مواقع تونسية مغمورة و كانت حاطة عنوان في صيغة سؤال و في تفاصيل الموضوع بيتكلموا عن غضب الأزهر بسبب دراسة إلغاء المهر في تونس. بعدها الخبر انتقل الى صفحات الفيسبوك على انه حقيقة. كمان الدول الإسلامية هي الدول المنضمة لمنظمة التعاون الإسلامي .. يعني الأزهر مالوش …

من احد مواقع تركيب الصور.

الحادثة والفيديو حقيقيين، بس اللي أخد السيلفي لسة عايش.

الصفحة اللي نزلت البيان ده مش صفحة رسمية ( و اتقفلت ) المتحدث باسم الحملة قال إن الخبر مش حقيقي و ان الحملة لسة بتدرس موقفها النهائي من خوض الانتخابات الرئاسية. و الصفحة الرسمية قالت انهم هيعملوا مؤتمر صحفي يعلنوا فيه موقفهم يوم الأربع 24 يناير 2018 الساعة 6 مساء.

هي ناسا فعلاً اتكلمت عن كويكب (2002 AJ129 ) إنه هيمر قريب من الأرض يوم 4 فبراير (المسافة هتكون قد عشر مرات البعد بين الأرض والقمر) ، بس مقالتش إنه هينحرف عن مساره ولا عن دمار العالم      

طبعا أي تأليف. دي مش بطلة العالم في لعبة البلاستيشن ولا حاجة .. الصورة من زيارة محرز لمقر شركة اجهزة الكترونية راعية ليه اسمها Stream System كمان واضح من مسكة الدراع انها مالهاش في البلاستيشن .  

أي كلام. المهر في الشيشان العريس بيدفعه للعروسة عادي جدا و بيدفع مصاريف الفرح كمان.

مش حقيقي، وإمارة “مكة المكرمة” نفت الخبر ده. كمان الإيميل المحطوط تحت للتسجيل مش صح ومكتوب أنه على دومين info.com@.

مش حقيقي، ترامب مكنش ليه خطاب في 2017 أمام منظمة الايباك لكن كان فيه خطاب لنائبه ومقالش الكلام ده. وخطاب ترامب في 2016 أمام المنظمة متذكرش فيه حاجة.  

فوتوشوب.، الخبر الأصلي من جريدة المساء بتاريخ 2017/11/24 بعنوان (نجوم مصر يبايعون السيسي في مؤتمر ”كلنا معاك”).