Da Begad ? ده بجد شوف اللي بتعمله بوست بجد ولا لأ

الصورة مش من احتفالية قناة السويس، البطة دية كانت بتشارك في ميناء Los Angeles في احتفال للسفن الطويلة في اغسطس 2014 غير انها بتلف العالم.

مركز الأمير سلطان اللي نظم المؤتمر الطبي في الأحساء بالسعودية نفى الخبر ده ونفى أن البروفيسور كان مشارك في المؤتمر واكد على ثبوت صحة خطورة الكوليسترول على أمراض شرايين القلب

الصورة في باريس يوم النصر وده علم فرنسا مش علم مصر واللون أزرق غامق بسبب الإضاءة، ومفيش نسر في العلم. وبعدين ده تحت قوس النصر مش فوقه.

مش حقيقي. كل التفريعات اتعملت قبل مبارك و أطول واحدة هي تفريعة بورسعيد ( 40 كم. منهم 17 كم. اتحفروا في اربع سنين و الباقي مسار داخل البحر المتوسط ) و لو أقصر تفريعة 77 كيلو كدة تبقى التفريعات أطول من القناة نفسها. 77×4 =308   كم. و القناة كلها …

منظمات كتير زي “منظمة الصحة العالمية ، جمعية السرطان الأمريكية و لجنة الخبراء النرويجية.” عملوا ابحاث عن الموضوع ده و ملقوش دليل على ان استخدام الموبايل بيزيد من خطر اصابة الإنسان بسرطان المخ.  

فوتوشوب .الصخرة متشال منها حتة علشان تبان انها طايرة

دي مظاهرات قديمة ( مايوم 2012 ) قام بيها سلفيين في ألمانيا ضد حزب يميني متطرف اسمه ( Pro NRW )

مش حقيقي .. الصورة دي بمناسبة تكريمه بلقب فخري ماليزي في شهر فبراير 2015 وبيعتبر نسخة محلية لرتبة الفارس 

الموضوع بدأ في الحرب العالمية الأولى والثانية لما المدراء التنفيذيين ضحوا بمرتباتهم  لمساعدة الحكومة الأمريكية، لكن كان لازم يقبلوا مبلغ بسيط لأن القانون بيمنع العمل كمتطوع بدون أجر، وفيه رؤساء تنفيذيين لشركات كتير بيتقاضوا دولار سنويا، أشهرهم ستيف جوبز (آبل) ومارك زوكربيرج (فيسبوك) وسيرجي برين (جوجل)

اتحاد الكورة بعت مندوب لاستلام الدرع من مقر النادي الأهلي، ومندوب اتحاد الكورة استعان بأحد العمال عشان يشيله لما ماكانش قادر يشيله