Da Begad ? ده بجد شوف اللي بتعمله بوست بجد ولا لأ

ربنا يرحم الشهداء ، لكن الصور من سوريا مالهاش علاقة  بالعمل الإرهابي اللي حصل النهاردة

ده تركيب مش حقيقي، وفي الفيديو الاصلي كم القميص مش باين لكن باين في التركيب.              الفيديو المفبرك                                                الفيديو الاصلي الفيديو كامل …

البوست قديم من مايو 2016. درجات الحرارة يوم الاثنين هتكون الكبرى 35 والصغرى 19.

ده شاب تونسي والدته اتبرعت بكليتها لأخوه وقال انها اتسرقت وهو كان بيحكي القصة في الفيديو، وبعدين رجع نفى وقال تمت العملية لكن الجسم رفض الكلية.

ده فيديو قديم من 2015 في نقطة طبية بعد القصف الروسي في سوريا، البنت كانت بتتعالج والجثتين دول اخواتها. والبنت ووالدها عايشين وصوروا فيديو بتاريخ 2017/5/15 بيحكوا فيه قصتهم وبينفوا تجارة الاعضاء. فيديو القصف الروسي من 2015 https://www.youtube.com/watch?v=ogiatvOk_ck فيديو بيحكوا قصتهم وبينفوا تجارة الاعضاء https://www.youtube.com/watch?v=LMuCaBjIJFk

  مش حقيقي طبعا، ده رافايل فاران لاعب ريال مدريد مع طفله من 9 اسابيع. https://www.instagram.com/p/BRaxpWUhTvU/    

أولا دورة التضامن الإسلامي لسه مبدأتش، ثانيا روسيا مش من دول التضامن الإسلامي، ثالثا الصورة الاولى لمنتخب الطائرة الجزائري ضد كازاخستان في يونيو 2016، رابعا والاهم الصورة التانية ده المنتختب الروسي لكرة قدم الصالات ضد ايران في اكتوبر 2016 في ايران، والقوانين هناك لازم ارتداء الحجاب لكل الفرق الرياضية حتى …

فوتوشوب، الاعلان الحقيقي مكتوب فيه “ورينا همتك..واحنا نمولك” واحنا رحنا صورناها عند نفق الملك الصالح عشان نتأكد أكتر.

هي مراته فعلا أكبر منه بـ25 سنة وكانت مُدَرّسته في المدرسة. بس دي مش صورته طبعا، ده اعلان دراجات في 2014.

تركيا محضرتش الجلسة أصلاً، لأنها مش عضو في المكتب التنفيذي الحالي لليونسكو، يعني ملهاش حق التصويت أو الامتناع من الأساس، ومصر حضرت الجلسة فعلاً وصوتت لصالح قرار المشروع