Da Begad ? ده بجد شوف اللي بتعمله بوست بجد ولا لأ

دي تقنية تصوير اسمها long exposure photography العدسة بتاعة الكاميرا بتكون مفتوحة مدة طويلة عشان تخزن الضوء و تكون النتيجة الصور فيها خطوط من الضوء

تفاصيل الخبر مختلفة عن العنوان اللي انتشر بيه. ده كان اقتراح من علي عبدالعال رئيس البرلمان، واترفض من البنك المركزي. طبعاً صفحات ومواقع كتير بتلجأ للطريقة دي عشان تعلّي الـ Traffic والتفاعل على مواقعها أو صفحاتها، وناس كتيرمش بتقرأ التفاصيل وبتعتبر أن ده كل الخبر.

صورة أردوغان فوتوشوب

اشاعة و تم نفيها اسلام هيلعب الجمعة 12 أغسطس الساعة 3:35 الظهر

مش حقيقي فريدة عثمان وصلت للدور قبل النهائي في سباق 100 متر فراشة بس خرجت منه ( فريدة كانت حققت رقم قياسي افريقي جديد في التصفيات ) و ترتيبها كان ال 12 من بين 45 سباحة

طبعا فوتوشوب الصورة الأصلية مع مغني هندي

مش حقيقي هو لعب الماتش في دور ال 32 مع بطل قيرجيزستان و خسر بالنقط عادي مش عشان البادچ https://www.youtube.com/watch?v=xmoSoj0XJb8

ده كان مهرجان لمنظمة الليونز في هامبورج في 2013 مالوش علاقة بوزارة السياحة .. ودول اعضاء نادي الليونز و كمان فازوا بالمركز التاني في المسابقة دي على 170 دولة ( و كان معاهم شباب بس اللي عمل البوست اختار صور معينة عشان يتريق براحته )

الموضوع ما كانش له علاقة بالحجاب ولا حد اتكهرب، ده مواطن بريطاني رحلته اتلغت هو وآلاف غيره بسبب سوء الأحوال الجوية، وحصل الاشتباك اللي في الفيديو ده بسبب تأخير الرحلات.

مش صحيح، آبل ذكرت على موقعها أن عدد سنين استخدام أجهزتها لو كنت المالك الأول ليها هيكون 3 سنين في حالة الأجهزة اللي شغالة بـ iOS زي الآيفون والآيبود، أما البطارية فهي مُصممة عشان تشحن حوالي 500 شحنة كاملة، ونصحت المستخدمين ببعض النصايح اللي تحسن أداء البطارية، زي أنك تتجنب …