Da Begad ? ده بجد شوف اللي بتعمله بوست بجد ولا لأ

ده مش حساب إسماعيل هنية و كان قبل كدة بإسم “خواطر احمد الشقيري” حساب إسماعيل هنية هو IsmailHaniyyeh@

تويتة مضروبة اسمه Adraee مش Adree و الحساب بتاعه موثق

الصورة أثناء زيارة ملك السويد لمدينة “هراوساند” . أهداهم شخص فلسطيني الكوفية دي تقديرا لاستقبال السويد للاجئين فلسطنيين

بالنسبة للطالب “أحمد أكرم محمود عباس” فده بطل أفريقيا في السباحة و حصل على أكثر من ميدالية ذهبية آخرهم ذهبية 400 متر حرة فى دورة الألعاب الأفريقية للشباب أما الطالب “أحمد محمد وحيد أحمد الدسوقي” فحصل على الميدالية الفضية في الجودو ( بطولة افريقيا في تونس ) و بالتالي حصلوا …

تأليف .. ده الشهيد الطيار محمد عبدالوهاب كريدى استشهد سنة 1975

الكتاب اسمه ” خيرات صعبة ” Hard Choices و الكلام ده تأليف مش موجود في الكتاب

خبر كاذب اللي طلعه موقع جزائري ساخر اسمه le competiteur و كاتبين ان كل المواضيع اللي بيكتبوها مش حقيقية.

فوتوشوب الصورة من مسيرة الفنانين في 30 يونيو 2013

ده مش حمد بن خليفة .. ده جنرال إسرائيلي اسمه يوكتئيل آدم و شهرته ( كوتي ) و تم قتله في معركة خلدة اثناء الاجتياح الإسرائيلي للبنان سنة 1982 ( كان وقتها نائب رئيس الأركان )

العكس صحيح .. حاول يدخل من معبر إيريز ( بيت حانون ) و إسرائيل منعته فدخل من معبر رفح.