الصورة قديمة من مارس 2014 والأعلى للجامعات نفى تأجيل الدراسة.

التغيير في تردد اذاعة القرآن الكريم في الكويت لمدة 3 ايام. تردد اذاعة القرآن الكريم من القاهرة زي ما هو (98.2 FM).

فعلا مؤهلات السيسي مش مكتوبة، الموقع مش دايما بيكتب مؤهلات الناس .. مثلا رئيس فرنسا ورئيسة وزراء لاتفيا ورئيس وزراء السويد وناس تانيين مش مكتوب مؤهلاتهم.   وفي 2013 هشام قنديل ماكنش مكتوب انه رئيس وزراء اصلا.

الفيديو مش في مصر، ده في مول تجاري في اوزبكستان لناس اول مرة تستعمل السلالم المتحركة. (مش عارفين يطلعوا علي السلم وبيقعوا فاستخدموا زرار الطوارئ)

دي واحة آرشي (Guelta d’Archei) في الصحراء الكبرى بتشاد.

أولا التصريح ده مش موجود على BBC. ثانيا مالكة معامل المختبر هي د.مؤمنة كامل مش د.أميمة كامل. ثالثا مش زوجة ابو الفتوح .. اميمة كامل زوجة خالد حنفي والاتنين اعضاء في حزب الحرية والعدالة.

الصورة من مقابلة مرسي مع ممثلي الاتحادات الطلابية في قصر الاتحادية يوم 4 مايو 2013 واحد ابن حلال حب يهزر زود الراقصة (Liza Vegrova) وناس خدوها وفبركوا كلمتين عليها وناس صدقت عادي جدا.