مش صور الشهداء، دي صور اردوغان وبديع واوباما ونتنياهو وجورج بوش وكيري وناس تانيين.

تحديث: توقي في 3 فبراير, 2016 إشاعة وهو نفى كده في مداخلة تليفونية، وهو حاليا في مستشفى مصطفى كامل بالاسكندرية.

مفيش طائر اسمه كده، دي لعبه.

اولا الصورة قديمة، ثانيا مش في وسط البلد. وهو بائع موز اسمه عم عبداللطيف من اسيوط، احنا روحنا بنفسنا صورنا المكان في شارع الشيشيني متفرع من كعابيش – فيصل.

السلم تعطل فجأة وادي لسقوط بعض الركاب وده سبب التدافع، والكلام ده باين جدا في الفيديو، والمتحدث بإسم المترو نفى وجود ماس كهربائي.

مش حقيقي.. ده إعلان مش رسمي نزل على صفحة وظائف. وبنك مصر نزل بيان بينفي وبيقول ان الإعلانات الخاصة بالبنك بتنزل على الموقع الرسمي فقط.

الصورة دي قديمة على انستجرام زينة، وهي نزلت توضيح على انستجرام بتقول ان الصورة من 6 سنين ودي بنت مش مصرية.

الصورتين لموديل مغربية ايطالية.

المتحدث العسكري نفى وجود تعديلات في ضوابط السفر، وان قرارات تنظيم السفر خلال العام الدراسي مش في الاجازات.

دي إشاعة قديمة من 2013 ورجعت تنتشر تاني، ومحافظ الجيزة وقتها نفى الخبر.