ولا السيسي ولا البعثة الدبلوماسية الحالية ليهم علاقة بالمخالفات دي. فيه مخالفات بحوالي 2 مليون دولار لبعثة مصر فعلا بس دول مخالفات لحد سنة 2002 بعد كدة القانون اتغير و مخالفات بعثة مصر من2002 لحد دلوقتي أقل من 5000 دولار.

أولا دي صورة زياد الجراح مع محمد عطا ( بتوع احداث 11 سبتمبر ) مالهمش أي علاقة بأبوبكر البغدادي. ثانيا ابوبكر البغدادي أسمه الحقيقي ابراهيم عواد ابراهيم علي البدري .. بالتالي أخوه أكيد اسمه مش هيبقى محمد بكر البغدادي. اللي طلع الخبر موقع اسرائيلي ساخر و فيه مواقع افتكرته بجد

عنوان الخبر غلط اللي اتباع عمارة في 9 شارع الثورة مش قصر البارون نفسه ( اللي موجود في شارع العروبة )

البنت اللي نايمة ( Milly ) مش بنت الأب و الأم اللي بيتجوزوا بنتهم اسمها ( Rosy ) و ليها أخ اسمه ( Billy ) و ده واضح في أول درس في الكتاب.

الصورة من بنجلاديش في ابريل 2011 لمظاهرات ضد قانون بيساوي بين الرجل و المرأة في الميراث.

وزارة الأوقاف نفت الكلام ده و قالت ان قرار الوزارة هو عدم استخدام مكبرات الصوت في اقامة الصلاة أو الصلاة نفسها أو قرأن الفجر و التواشيح اللي قبل الصلاة

ناسا ماقالوش أي حاجة من الكلام ده. الخبر كتبه صحفي في موقع أخبار متعود يكتب مواضيع غلط عن نهاية العالم.

الصورة تخيلية من حملة اعلانية في استراليا لأسطول حماية المخلوقات البحرية من الصيد و الموضوع ده مش جديد .. الاتحاد السوفيتي بدأ تدريب و استخدام الدرافيل كقوة بحرية من السبعينيات.

فوتوشوب تركيب صورة لبذور اللوتس مع صورة جسم أنسان و الفيديو نفسه سبام اللي بيتضايق من المناظر دي بيبقى بسبب التربوفوبيا وهو الخوف من الثقوب والشقوق

فوتوشوب .. و مافيش أثبات لوجود ما يسمى بالنمر الأزرق المالطي