الفيديو حقيقي بس الموضوع قديم من 2012 و البنت ما ماتتش و الراجل ده اتمسك و اخد حكم بالسجن 4 سنين. و برر اللي عمله ده بأنها بصتله بصة ماعجبتوش ( حسسته انه فقير ) .

وزير التجارة الكويتي نفى الإشاعة و قال انه ماستقبلش أي وفود مصرية و انه راح مع الوفد الكويتي اللي استقبل و ودع السيسي بس و كان سايب تليفونه في العربية كمان.

حركة الضوء اللي في أول الفيديو دي اسمها Lens Flare بتحصل بسبب انعكاس الضوء على عدسة الكاميرا. بالنسبة للصورة اللي في اخر الفيديو فدي تركيب صورة حمامة فوق الكعبة. و الشيخ عائض القرني نفى الفيديو ده.

دي مظاهرات للشيعة في القطيف في أكتوبر 2014 اعتراضا على حكم الإعدام  لرجل الدين الشيعي السعودي المعارض نمر النمر

الصورة من سيبيريا

فيه تجارب كتيرة اتعملت و اثبتوا ان السمك ذاكرته بتبقى بالأيام و الشهور مش مجرد ثواني. و لأ .. فيلم نيمو مش مصدر.

ناسا أو الأمريكان ما أثبتوش حاجة .. بالعكس .. العلماء في ناسا لما اتسألوا قالوا ان مافيش اثبات علمي لأنشقاق القمر. بالنسبة للصورة فدي علامة على سطح القمر بيسموها (rille) و دي طولها 300 كم بس ( مش بعرض القمر كله ) و فيه منها كتير بأشكال و أحجام مختلفة.

دي كانت طيارة أندوسية وقعت في 2007

فوتوشوب طبعا و واضح من الخط المستخدم. ده العدد الأصلي

الجارديان كتبوا كده فعلا بس أمل علم الدين نفت الكلام ده و السلطات المصرية كمان نفت. القصة اصلها في أول 2014 لما كانت هتنشر تقرير بتنتقد فيه القضاء و خبراء حذروها انها ممكن يتم القبض عليها لو نشرت التقرير من القاهرة فنشروه من لندن.