أولا ريم اسمها ريم محمد هشام منصور منصور .. يعني منصور ده جدها مش والدها و مافيش سعيد في اسمها .. ووالدها مهندس مش لواء. ثانيا هي وصلت الأولمبياد عشان حصلت على فضية افريقيا و جابت النقاط المطلوبة في كأس العالم .. يعني مش كوسة. ثالثا مش أول مرة حد …

اشاعة و تم نفيها اسلام هيلعب الجمعة 12 أغسطس الساعة 3:35 الظهر

مش حقيقي فريدة عثمان وصلت للدور قبل النهائي في سباق 100 متر فراشة بس خرجت منه ( فريدة كانت حققت رقم قياسي افريقي جديد في التصفيات ) و ترتيبها كان ال 12 من بين 45 سباحة

طبعا فوتوشوب الصورة الأصلية مع مغني هندي

مش حقيقي هو لعب الماتش في دور ال 32 مع بطل قيرجيزستان و خسر بالنقط عادي مش عشان البادچ https://www.youtube.com/watch?v=xmoSoj0XJb8

ده كان مهرجان لمنظمة الليونز في هامبورج في 2013 مالوش علاقة بوزارة السياحة .. ودول اعضاء نادي الليونز و كمان فازوا بالمركز التاني في المسابقة دي على 170 دولة ( و كان معاهم شباب بس اللي عمل البوست اختار صور معينة عشان يتريق براحته )

دي كانت كذبة ابريل في موقع “كايرو سين” ابريل اللي فات والخبر بدأ ينتشر دلوقتي تاني على انه حقيقي

الأزهر حرم ” احتكار ” مش ” امتلاك ” الدولار

دي مش إهداء من الإمارات ولا عربيتها أصلاً كان عندها حفلة في دبي في 2015 و منتج الحفلة خصصها ليها اثناء فترة الزيارة   

هل يسأل مستخدمو التواصل الاجتماعي عن مصدر المعلومة؟