مش حقيقي طبعا. ده فيديو متصور بـ chroma ودي بتبقى عبارة عن قماشة لونها أخضر أو ازرق بيتم تصوير المشهد بيها و بعد كدة بيتم مسح اللون ده و تركيب الخلفية مكانه فيبان ان اختفى. فيه غلطة في أخر الفيديو هتلاقوا صباع الراجل اختفى مع انه قدام القماش مش وراه. https://www.youtube.com/watch?v=-YA9-I0iWuY

أي كلام الموضوع اصله وثيقة تم نشرها في كتاب “سد النهضة ونهر النيل ” فيها قائمة بالبنوك في كل العالم اللى ممكن الاثيوبيين يكتتبوا فى سندات تمويل سد النهضة و كان فيها البنوك اللي في مصر ( عشان الاثيوبيين اللي عايشين في مصر ) الاثيوبيين جمعوا من السندات دي لحد دلوقتي …

فيديو مقصوص في الجزء المقصوص ده كان بيتكلم فيه عن غرامات الاسراف في استخدام المياه في زراعة الأرز و انه مايقدرش يعمل حاجة في الغرامات دي لأن ده تجاوز في حق مصر و صالح شعب مصر. في نفس الفيديو ( الكامل ) قال بخصوص سد النهضة انه ماحدش يقدر يمس …

دي ظاهرة اسمها Rhythmic spring ( النبع الإيقاعي أو النبع المتقطع أو النبع الدوري ) و ده عبارة عن نبع ماء بيتدفق منه المياه لفترة زمنية منتظمة ممكن تبقى دقائق أو ساعات و بعدها التدفق بيقف لفترة و يرجع تاني و هكذا و ده بيبقى نتيجة وجود تجويفات في الجبل بشكل …

الكمر ده ده كمر سابق الصب والاجهاد يعني بيتم صبه في منطقة التجهيز و بعدها التريلات بتوديه الموقع يتركب واللي حصل ان الونش وهو بيحط الكمرة على الركيزة الكمرة مالت على اللي جنبها و وقعت و اتكسرت وتم استبدالها عادي. *المرحلة دي من مشروع محور روض الفرج لسه تحت الانشاء.

الصورة فوتوشوب و الخبر مش حقيقي و أحمد موسى طلع في برنامجه عادي جدا و قدم اعتذار لنشره التسجيل

مش بنت أحمد عز ..أسمها الكامل حبيبة حسني عز ,مستشار الوزير للتعليم الفنى ,خريجة الشعبة الفرنسية بكلية الاقتصاد و العلوم السياسية و اشتغلت مستشارة في كذا منظمة دولية . الوزير نفى ان مرتبها 42 الف و قال انه ملتزم بالأجور اللي حددتها الدولة للمستشارين ( بين 5 الاف و 10 …

مساحة العاصمة الادارية الجديدة 170 الف فدان يعني 687 كيلومتر مربع ( مساحة القاهرة 528 كيلومتر مربع ) فصعب جدا يتعمل حواليها كلها سور. فيه سور هناك فعلا لكن ده موجود حوالين المطار و فيه سور تاني حوالين الكيان العسكري اللي هيبقى فيه وزارة الدفاع. ( المباني و الاسوار دي …

مش حقيقي مصر كانت مشاركة في كأس العالم سنة 1934 في ايطاليا و كانت البطولة بتتلعب بنظام بخروج المغلوب. مصر جابت هدفين في الماتش اللي اتلعب مع المجر وخسرت 4-2 و اللي جاب الهدفين لمصر اللاعب عبدالرحمن فوزي.

القصة حقيقية لكن الصورة اللي على الشمال دي مش صورتها و هي صغيرة , دي صورة ممثلة إيطالية اسمها ماريسا بافان (مولودة سنة 1932 ). ماري أن بيفان (مولودة سنة 1874 ) مالهاش صور و هي صغيرة قبل المرض.