مش حقيقي، الحادث كان من سنة على طريق الرياض – مكة قريب من محافظة الطائف. كان في الحادث 13 حالة وفاة و 36 مصاب.

التجربة مش حقيقية أولاً لما فتح مفتاح المشترك الرئيسي مافتحش المفتاح اللي محطوط فيه الشاحن ومع ذلك الشحن بدأ. ثانياً التيار الخارج من الشاحن تيار مستمر DC وعشان تتم تجربة زي دي والتيار يتنقل محتاج تيار متردد AC. ثالثاً هو في التجربة ماعملش أي حاجة غير أنه قطع الأسلاك ولف أسلاك …

البنك عامل خدمة تقسيط مشترك فيها متاجر كتير وتقدر تقسط من أي مكان متعاقد مع البنك من 6 شهور لـ 36 شهر. وNiKe مش من ضمنهم أصلا (لحد وقت كتابة البوست)

ما اعترفش ولا حاجة، دي كانت بلاغات متقدمة ضد 12 قيادة من قيادات الطيران المدني واللي من ضمنهم المهندس عاطف عبدالحميد، وتم فحص البلاغات دي بمعرفة نيابة الأموال العامة وإدارة الكسب غير المشروع وانتهت بصدور قرار بحفظ الأوراق لعدم وجود شبهة عدوان على المال العام. ومحافظة القاهرة نفت إنه تم …

(صراحة) موقع مش أبليكيشن، لغاية الوقت ده مافيش له أبليكيشن على الموبايلات. اللي عمل الموقع شاب سعودي اسمه زين العابدين توفيق. الموقع مالوش أي صلاحيات أنه يدخل على صورك أو يتحكم في الكاميرا أو في تطبيقات تانية زي WhatsApp. الموقع مايقدرش يكشف هوية اللي بعت الرسالة لأن اللي بيبعت مابيسجلش …

اللي تحت على اليمين بيعبر عن الجيش العراقي . اللي عدل الصورة شال الـ 3 نجوم من الصورة الأصلية عشان يبان إنه علم مصر .

الخبر بدأ ينتشر يوم 10 يناير على موقع عامل نفسه CNNوده مالوش علاقة بموقع أخبار CNN المعروف عالمياً الحساب شغال ما اتقفلش وترامب كتب  Tweet تاني يوم بعدانتشار الخبر ده

فوتوشوب

الموضوع كان طلب من الدكتور خالد سمير عضو مجلس النقابة لكن النقابة نفت إصدار أي تصريحات بخصوص الموضوع ده، وأكدت إن التصريحات الرسمية هي اللي بتكون صادرة بس من خلال الصفحة الرسمية أو الموقع الرسمي أو من خلال اللجنة الإعلامية بالنقابة

الصورة قديمة في 2014 الطريق وقف 16 ساعة بسبب السيول ورجع اشتغل بعدها