التويتة اللي كتب فيها الكلام ده كانت جزء من كذة تويتة بعدها، وكان بيتريق فيها على تفسير كل حاجة بالكائنات الفضائية، ووضح بعدها وقال إن الأهرامات أطول بناء اتعمل بواسطة بشر من 3800 سنة، وبعدها كمان حط مقال من BBC عن الطريقة اللي اتبنت بيها.

الشخص اللي في الصورة مش مصري، وماكانش محافظ الأقصر. محافظ الأقصر التابع للجماعة الإسلامية كان اسمه عادل خياط، واستقال بعد تعيينه بأسبوع واحد بسبب الاحتجاجات على تعيينه.  

مش صحيح، اليوم السابع نفت الخبر ده، وأكدت إن عندها مسؤولين في الملف الديني بالفعل. إسلام بحيري اشتغل فترة في جريدة اليوم السابع كرئيس مركز الدراسات اﻹسلامية بالمؤسسة، لكن حالياً مابقاش شغال فيها.

ده مش نفس الطفل اللي في الصورة القديمة، الصورة نشرتها Anja على صفحتها الموثقة من فترة واتسألت إذا كان نفس الطفل، وكان الرد إنهم طفلين مختلفين، واللي في الصورة هو ابنها ديفيد. Anja نشرت على صفحتها أكتر من صورة للطفلين مع بعض، وفي مراحل مختلفة.

الصورة متعدلة بالفوتوشوب، و GATX المكتوبة على الناحية التانية من التانك هي شركة أمريكية بتأجر عربيات السكك الحديدية لنقل المواد البترولية والكيميائية. كمان اسم COVID 19 مش متوافق مع قواعد كتابة أسماء التانكات دي، والصادرة من رابطة السكك الحديدية الأمريكية، واللي بتكون مكونة من جزئين، الجزء الأول 3 أو 4 …

التصريح ده مش موجود على موقع جريدة الشروق أو صفحتها الرسمية على السوشيال ميديا. الكلام متغير من خبر قديم ومكتوب بخط مختلف. ده آخر خبر نزل بخصوص شيخ الأزهر على جريدة الشروق.

مافيش أي خبر على جريدة الوطن بالعنوان ده، وأحمد فلوكس رد على الإشاعة دي بفيديو قال فيه إنه مالوش غير أخوات بنات وبالتالي عنده إعفاء من أداء الخدمة العسكرية. بعض المواقع الإلكترونية ومستخدمين شبكات التواصل الاجتماعي نقلوا خبر قديم سنة 2015 نشرته «بوابة الأهرام» ومواقع إخبارية تانية بخصوص القبض عليه …

الكارنيهات الخاصة بذوي الاحتياجات الخاصة بيكون فيها مكان مخصص لتحديد إذا كان مسموح بمرافق مع الحالة أو لأ. في الكارنيهات المصرح فيها بمرافق، التخفيض قانوناً بيشمل صاحب التصريح والمرافق له، وده حسب المادة 30 من القانون رقم 10 لسنة 2018 بخصوص حقوق الأشخاص ذوى الإعاقة.

وزارة الهجرة المصرية نزلت بيان إن القضية بيتم متابعتها، ومن خلال التواصل مع المحكمة العليا في الرياض أكدت إن القضية لازالت تحت الدراسة، والأخبار الخاصة بوقف القضية أو إعادة المحاكمة مش صحيحة. وزيرة الهجرة تواصلت مع النائب العام لمتابعة موقف قضية “علي أبوالقاسم”، واللي أكد إن القضية بيتم متابعتها بصورة …

بيان مش حقيقي وتم تكذيبه، بالإضافة لوجود بعض الجُمل غير المستخدمة في التعاميم والمراسلات الرسمية زي «معالي صاحب السمو الملكي، أطياف شعبنا، عناصر الشرطة، كافة دوائر الشرطة».