طبعاً مش حقيقي .ده نوع من الكلاب إسمه “Chow Chow” وبيتصبغ بالألوان دي عشان يكون شكل الباندا ، وبيعملوا ده في سنغافورة .

اللبس ده كان عشان الامطار والجو كان برد، وامريكا والبرازيل والتشيك والارجنتين واسبانيا وسويسرا وفنزويلا وكوستاريكا لبسوا كده مش هولندا بس.

الفيديو مالوش أي علاقة بأثيوبيا ودي مش فيضانات .دي سيول في محافظة “حجة” اليمنية من شهر أبريل .والكوبري ده متضرر بسبب تعرضه لقصف سعودي سنة 2015 .

أولا ريم اسمها ريم محمد هشام منصور منصور .. يعني منصور ده جدها مش والدها و مافيش سعيد في اسمها .. ووالدها مهندس مش لواء. ثانيا هي وصلت الأولمبياد عشان حصلت على فضية افريقيا و جابت النقاط المطلوبة في كأس العالم .. يعني مش كوسة. ثالثا مش أول مرة حد …

اللي إشتراه محمد بن راشد هو حصان و شمردل ده نوعه مش إسمه ، وكان معروض في مزاد لانه فاز بسباقات كتيرة ، وده نوع من الإستثمارات لانه بيعود علي صاحبه بعائد من فوزه

دي تقنية تصوير اسمها long exposure photography العدسة بتاعة الكاميرا بتكون مفتوحة مدة طويلة عشان تخزن الضوء و تكون النتيجة الصور فيها خطوط من الضوء

تفاصيل الخبر مختلفة عن العنوان اللي انتشر بيه. ده كان اقتراح من علي عبدالعال رئيس البرلمان، واترفض من البنك المركزي. طبعاً صفحات ومواقع كتير بتلجأ للطريقة دي عشان تعلّي الـ Traffic والتفاعل على مواقعها أو صفحاتها، وناس كتيرمش بتقرأ التفاصيل وبتعتبر أن ده كل الخبر.

صورة أردوغان فوتوشوب

اشاعة و تم نفيها اسلام هيلعب الجمعة 12 أغسطس الساعة 3:35 الظهر

مش حقيقي فريدة عثمان وصلت للدور قبل النهائي في سباق 100 متر فراشة بس خرجت منه ( فريدة كانت حققت رقم قياسي افريقي جديد في التصفيات ) و ترتيبها كان ال 12 من بين 45 سباحة