جيمس هارسون و هو عنده 13 سنة احتاج نقل 13 لتر دم و ولما وصل 18 سنة اكتشف الاطباء ان دمه فيه اجسام مضادة (Antibodies) لمرض بيصيب حديثي الولادة فتبرع بدمه حوالي الف مرة , تبرعه ده كان السبب في انقاذ حوالي 2 مليون انسان.

الخبر ده مش موجود على “مصر العربية” ودي اخر تصريحات ليه على الموقع، وبعدين اسمها جزمتي مش جذمتي.

مش حقيقي … الحيوان ده ممكن يشرب مياه عادي بس نادرا … أوقات الجفاف بينتج المياه من الأكل زي معظم الكائنات منها الانسان اللي هي Metabolic Water …مياه ناتجة عن عملية التمثيل الغذائي …ده غير إن الكائن ده عنده قدرة مهولة للأحتفاظ بالمياه في جسمه …

توقيت الخبر على “سكاي نيوز” وكمان تعليقات الناس عليها مظبوطة وكلها كانت يوم الخميس الصبح . محرك “جوجل” أحياناً كتيرة بيعمل المشكلة دي، إنه بيظهرالخبر من بره بتاريخ أقدم ولما نفتح الخبر بتلاقي تاريخ أحدث.وده إسمه “ crawler error” . كمان الـID للخبر ده “842504” وأخبار يوم 18 الـID بتاعها …

ده فيديو قديم من ديسمبر 2015 في أمريكا . ومالوش علاقة بتحطم أي طائرة .

دي صورة لحطام طائرة بضائع إتحطمت في بنجلاديشفي شهر مارس سنة 2016 .

السد العالي ماخرجش من الخدمة ولا حاجة. الوزير كان بيتكلم عن تنوع مصادر الطاقة و توزيع الأحمال و قال ان شبكة الكهرباء تبقى مثالية لما ما تتاثرش بخروج محطة كبيرة من الخدمة.و في نفس العرض (في الفيديو الكامل) المحطات المائية موجودة حاليا و لحد خطة 2030 https://www.youtube.com/watch?v=kAc7LX0Thd8

ده كوبري في تايلند اسمه “ Sri Surat ”.

ده مش اكاونت أفيخاى أدرعي Avichay Adraee الرسمي … ودي صور للسيسي من مشروع تخرجه في قاعدة لاكلاند الجوية في ولاية تكساس

الصورة من 2006 لحرامي في الإكوادور إتمسك وهو بيسرق والسكان المحليين مسكوه و ولعوا فيه .والقس اللي في الصورة على اليمين مع ناس تانية طفوا النار وراحوا بيه المستشفى عشان يتعالج .