عنوان مضلل .. دي كانت مكالمة من المتحدث بإسم الخارجية و قال انه حصل نفس الوضع في حلايب و شلاتين في وقت لما وزير الداخلية المصري طلب من السودان ادارة حلايب و شلاتين و بعدين مصر استردتها. يعني زي ما السعودية طلبت من مصر حماية الجزر و دلوقتي بيرجعولها.

ما قالش الجسر مذكور في القرآن قال “إن كتاب الله (عز وجل) ربط بين البلدين في سورة التين”

تويتة متفبركة، وهي بنفسها نفت الكلام ده على حسابها الرسمي على تويتر.

ده وفد المجلس الوطني الإماراتي .

الكتاب هنا بيتكلم عن خليج العقبة انه بيحد سينا، وقال خليج العقبة فيه 3 جزر ..ماقالش ان “تيران” و “صنافير” بتوع مصر .. بعكس جزيرة “فرعون” لما اتكلم عنها قال ” و هي داخلة في حد سيناء “

وزير الخارجية السعودي قال ان السعودية ملتزمة بكل الاتفاقيات اللي مصر قطعتها بما فيها كامب ديفيد. كمان حسب المادة الخامسة من اتفاقية كامب ديفيد مضيق تيران و خليج العقبة يعتبروا ممرات دولية مفتوحة لكل الدول ( بما فيها اسرائيل طبعا )

قصة تأليف مافيش أي مسؤول سعودي اسمه محمد حمد العنزي. و لو فيه ماينفعش يكتب حاجات المفروض انها اسرار على الفيسبوك.

تصريح مفبرك نزل على موقع مغمور إسمه “شؤون خليجية” و كاتبين ان المصدر “وكالات” و بعدها انتشر على مواقع تانية و على السوشيال ميديا. السفير السعودي في القاهرة نفاه و قال انه ماقالش أي تصريح بخصوص الموضوع ده.

ده طريق “Highway 401 ”في أونتاريو كندا والصورة من 2006 .

الكلام ده مش صحيح علمياً .. كتير من أنواع الصداع بتتشارك نفس مكان الوجع لكن بيتم تشخيصها عن طريق الكشف الطبي والفحوصات وبيختلف العلاج حسب كل نوع .