مش حقيقي طبعاً. ده خبر نزل على الموقع الساخر World News Daily Report من اكتر من سنة و الصورة متركبة. اللي في الصورة الأصلية ده Pete Wentz عضو فريق الروك الأمريكي Fall Out Boy و الصورة متاخدة أصلاً في حمام سباحة.

ده برج تقطير (Distillation Columns أو Tower) بيستخدم في شركات البترول. مالوش علاقة بأي مفاعلات أو مخلفات نووية.

زهير كان موجود جوة الاستاد عند ممر اللاعبين .. مش هو اللي منع الانتحاري من الدخول. هو بس حكى القصة لمراسل وول ستريت جورنال و الناس فهمت غلط و ابتدت تنقل القصة على انه هو اللي منعه.

الصورة دي من تقرير سنة 2012 عن المجاعات في اليمن

مش حقيقي… مفيش حاجة عن إن البرادعي عمل حوار مع سكاي نيوز الأمريكية قريب… و مش أي كلام على صورة يبقي تصريح حقيقي

مش حقيقي الCNN منزلتش خبر كده … و فيديو و هو بينتخب واضح إن البطاقة معاه

الصورة فوتوشوب ، ودي “Cristina Fernández de Kirchner” الرئيسة الحالية للأرجنتين .

الصورة دي من امريكا مش فرنسا و سنة 2012 و ده كان راجل بيتفتش في المطار و زهق من طريقة التفتيش فقلعلهم كل هدومه و اتقبض عليه بعدها.

الفيديو قديم من 2011 في أمريكا و اللي واقف ورا ده قس أمريكي كان حرق المصحف قبل كدة و اتقبض عليه لفترة، اسمه “Terry Jones”.

الصورة من 2007 ومن بلجيكا مش من فرنسا ، ودي كانت حملة مسمينها “ضد أسلمة أوروبا” في ذكرى مرور 6 سنوات على أحداث 11 سبتمبر.