احنا مين

 “ده بجد؟” *  هي أول و أكبر منصة للتحقق من الأخبار و كشف الاشاعات في وسائل التواصل الاجتماعي في الشرق الأوسط .

بدأ عمل المنصة في ابريل سنة 2013 بهدف كشف حقيقة الأخبار و المعلومات الغلط المنتشرة على السوشيال ميديا  .. بنقول الحقيقة بالدليل و الاثباتات و المصادر بطريقة سهلة و بسيطة و مختصرة و باللغة العامية علشان التصحيح يبقى مفهوم لجموع الناس .و هدفنا اننا  نوعي الناس و نخليهم فاهمين إن مش كل حاجة موجودة على السوشيال ميدا تبقى صح خصوصا لو منشورة بدون أي مصدر و كمان نعودهم يدوروا و يفكروا قبل ما يصدقوا أي حاجة.

اعضاء فريق “ده بجد؟” ليسوا اعضاء في أي حزب سياسي و لا ينتمون الى أي تيار سياسي و غير تابعين لأي جهة حكومية أو خاصة و جميع اعضاء الفريق من المتطوعين ولا تقوم أي جهة بدعمنا ماديا.

DaBegad?** (is it real?) is the first and biggest platform for fact checking and for exposing hoaxes on the social media in the Middle East,  we are a group of Volunteers , we do not belong to any public or private organizations and we do not get any sort of funding from party.

*”ده بجد؟” مسجلة في وزارة التموين و التجارة الداخلية برقم 292656 بتاريخ 17-12-2014 و تحت حماية المادة 90 من قانون حماية الملكية الفكرية

**”DaBegad?” is registered with the Ministry of Supply and Internal Trade No. 292656 dated 17-12-2014 and protected by the intellectual property protection (article 90)

المنهجية و سياسة البحث والتحرير

أسئلة متكررة:

عايز اتأكد من بوست , اعمل ايه؟
ابعتلنا هنا

ليه لازم الخبر يبقى منتشر عشان تدوروا عليه؟
المشكلة اننا بناخد وقت كتير قوي في اثبات الحقيقة, فـبنفضل نحط الوقت ده في حاجة منتشرة عشان نفيد اكبر عدد.

عايز ادور على بوست قديم عملتوه ؟
استخدم الموقع بتاعنا و دور بأهم كلمة مناسبة للبوست ده.

بعتلكم خبر و مانزلتوش الحقيقة بتاعته, ليه؟
يا إما لسة هنشوفه, أو مالوش اثبات 100%, أو حقيقي أو لسه بندور عليه.

إزاي انضم ليكم؟
عن طريق المسابقات اللي بنعملها.

ليه فيه إشاعات من اللي بتصححوهـا مش بشوفها غير عندكم؟
عشان المنشورات على الفيسبوك كتير جدا و اكيد مش بتشوف كل حاجة موجودة على فيسبوك.

كان بيجيلي كل البوست بتاعتتكم بقالي كام شهر ما بيجيليش حاجه ليه؟
عشان تعرف تشوف كل البوستس بتاعتنا اتبع الخطوات دي

امتي ممكن تعملوا لحد حظر؟
لو الحد ده شتم أو قعد يبعت نفس التعليق كذا مرة (spam) او عمل اعلان اكتر من مرة.

ازاي ممكن أدور على حقيقة حاجة شوفتها؟
فيه شرح تفصيلي هنا