البوست

لما أكبر شركة إنترنت في مصر “TE Data” يحصل على
السيستم بتاعها Hack تبقى مصيبة سودة .. وياريتها جت على
كده انما اللي عمل هاك ع السيستم دخل غير إعدادات الراوتر
عند معظم الناس خصوصًا راوتر HG532n اللي الشركة بتسلمه
للعملاء وبقى متحكم في سرعة الإنترنت وكمان بقى بيعمل
Reset للراوتر وبعت لكل الأجهزة فايرس عن طريق ال browse
بمجرد ما تفتح أي سايت بيحولك تلقائي علىAdfly وه طبعًا
علشان يحقق ربح مادي لنفسه.

الحقيقة

الموضوع ان في بعض أنواع من الرواتر اللي بتشتغل بنظام تشغيل ZynOS فيها بعض الثغرات بتسمح لأي حد انه يشوف إعدادات الروتر وبالتالي يقدر يدخل عليه عن طريق الـ IP الخاص بيه ويغير إعدادات الروتر ومن ضمنها الـ DNS اللازم في عملية التصفح وبيه يقدر يحولك على أي موقع ، والعيب ده مش بيظهر الا بعد زيادة مبيعات نوع الروتر والشركة بتغير النوع وقت حدوث المشكلة ( بالفعل الشركة غيرت الموديل ده من فتره ) ، وعموما في انواع رواتر كتير فيها مشاكل من النوع ده ومشاكل تانيه كتير وكل مزودي خدمات الإنترنت بيعانوا منها في كل دول العالم ، على سبيل المثال في اكتر من 200 الف روتر في الجزائر عانوا من المشكلة دي