الحقيقة

أولا استنشاق بخار المياة مش هيقتل الفيروس و لو ده حل كان زمان كل المستشفيات عملته و الفيروس انتهى.



ثانيا البخار شديد السخونة ممكن جدًا يتسبب في تلف الرئتين أو يعمل حروق في الجهاز التنفسي , الدكتور بنيامين نيومان خبير في الفيروسات التاجية  و رئيس قسم العلوم البيولوجية في جامعة تكساس قال ” الرئتان دقيقتان والبخار ساخن جدًا – ليس مزيجًا جيدًا. يمكن للبخار الساخن أن يتسبب في تلف الرئتين ، وفكرة أنه يمكن أن يحارب فيروسًا يضر أيضًا بالرئتين هو نصيحة سيئة حقًا “

و الأخطر لو استنشاق بخار الماة تم اثناء الاستحمام ممكن يؤدي للوفاة خصوصا للناس اللي عندها مشاكل صحية وده بسبب الاختناق أو بسبب التسمم بغازأول أكسيد الكربون الي بيتراكم بسبب  سخان المياة بعد فترة و الكلام ده حصل من يومين  لشاب و زوجته توفوا اثناء استحمامهم في سوهاج.



اخيرا استنشاق بخار مياه دافي ممكن بس يعمل راحة مؤقتة من بعض اعراض الامراض لو تم بطريقة صحيحة بأجهزة مخصصة لكده.