Da Begad ? ده بجد شوف اللي بتعمله بوست بجد ولا لأ
البوست
فائدة البنوك هترتفع الى 26٪ خلال أيام بكل بنوك مصر وده يعنى من وجهة نظرى تدمير الإستثمار الداخلى فى مصر واى رجل اعمال بدل ما هيفكر يفتح مشروع هيحط الفلوس فالبنك افيد وأربح له.
الحقيقة
مش حقيقي ، ده مش إعلان عن زيادة البنوك للفوائد.
ده إعلان لشركة عن صندوق استثمار عقاري و ال 26٪ دول معدل العائد التراكمي المستهدف من الشركة لو خططها اتحققت ( يعني مش عائد مضمون ، ممكن يتحقق و ممكن لأ ) كمان الهيئة العامة للرقابة المالية الزمت الشركة بإزالة الإعلانات عشان مضللة و الشركة نفسها وضحت ده و قالت انها هتشيل الاعلان منعا لحدوث أي لبس.
