Da Begad ? ده بجد شوف اللي بتعمله بوست بجد ولا لأ
البوست
الساده الافاضل .. تحذير هااام جداا .. أي حد عامل اكونت علي (صراحه)
يمسحه في اسرع وقت ويقفل الواي فاي ويطلع الشريحه وينقل صورة
شخصيه علي الايتيوب ويفضل لو فرمط الموبايل .. صراحه .برنامج
اسرائيلي .طلع هاكر وبيدخل علي كل حاجه علي الموبايل وبيفتح
الكاميرا وبيشوفك بتعمل ايه من خلال الاكونت الا سعتك عامله .
اكتر من حد حصل معاه كده وبيقول انه بيبعتلك تعليقات تظهر لك
علي شاشة الموبايل زي ..مثال ..
طلعت من الاوضه ليه .ولو بتتصل علي حد يبعتلك يقولك مش بيرد
اتصل تاني .ولو الواتس مثلا .يعلقلك علي المحادثه الي انت بتعملها .
واللي أكد الكلام ده انهم بيلاقوا كل حاجه علي الموبايل منها
نسختين وبيظهر ايضا للموبيلات الايفن .منها نسختين .النسخه
الثانيه عليها علامة ال app بتاع صراحه .. حسبنا الله ونعم الوكيل .
الحقيقة
(صراحة) موقع مش أبليكيشن، لغاية الوقت ده مافيش له أبليكيشن على الموبايلات.
اللي عمل الموقع شاب سعودي اسمه زين العابدين توفيق.
الموقع مالوش أي صلاحيات أنه يدخل على صورك أو يتحكم في الكاميرا أو في تطبيقات تانية زي WhatsApp.
الموقع مايقدرش يكشف هوية اللي بعت الرسالة لأن اللي بيبعت مابيسجلش بياناته أصلاً.
