Da Begad ? ده بجد شوف اللي بتعمله بوست بجد ولا لأ
البوست
في حاجتين حصلوا مع بعض في نفس الوقت وعمال أدعي ربنا أطلع غلط 
_ كولومبيا قطعت توريد الفحم للكيان وده يعتبر 90% من طرق توليدهم للكهرباء
_ في نفس الوقت الشجر بيتقطع في كل شوارع مصر بشكل هستيري وغير منطقي ومش مفرقين ما بين شجر اثري ولا شجر عادي
عاوزين نفهم تفسير قطع الاشجار في كل شوارع مصر ده ليه ولمصلحة مين ومين اللي بيدي بقرارات بقطع الاشجار دي وعشان ايه
الحقيقة
الفحم اللي بيستخدم لإنتاج الطاقة ده إسمه فحم حجري بيستخرج من مناجم الفحم و ده اللي كولومبيا وقفت تصديره لكن الفحم اللي بيطلع من الشجر ده إسمه فحم نباتي و بيستخدم فى في إشعال النار أو الشوي أو في الشيشة
فمفيش علاقة بين قطع الأشجار اللي في مصر و تصدير الفحم للكيان
