Da Begad ? ده بجد شوف اللي بتعمله بوست بجد ولا لأ

الصورة من مطار هيثرو في بريطانيا فعلا لكن سبب الأزدحام هو وقف الرحلات الجوية بين بريطانيا وايرلندا قبل ما الطيارة اللى رايحة مدينة دبلن في ايرلندا  تقوم بدقائق وده سبب ازدحام المطار بالركاب

التصريح مفبرك ومش موجود على جريدة الشروق، ووزيرة الصحة مقالتش كده. الي نشر التصريح المفبرك صفحة اسمها فيروس بتنشر دايما اخبار مفبركة.

الصورة في الكويت ومعدلة بالفوتوشوب.

خبرمجتزأ ومضلل. حالات الوفاة اللي حصلت مالهاش علاقة باللقاح .. اللي توفوا 6 فعلا لكن توفوا وفاة طبيعية بالنسبة لسنهم. كمان ال6 منهم 4 اخدوا اللقاح الوهمي خلال التجارب السريرية ( وهمي يعني مافهوش أي مواد فعالة ) و 2 من اللي خدوا اللقاح الحقيقي ( واحد بسبب سكتة قلبية …

تأليف مافيش أي تصريح للحكم المغربي رضوان جيد بالكلام ده سواء لصحيفة المنتخب المغربية أو أي صحيفة تانية. أخر تصريح ليه كان بيقول انه بخير و راضي بقضاء الله بعد اصابته بكورونا.

الفيديو قديم في شهر سبتمبر 2020 بعد ما اتفرج على فيديو لأطفال ضحايا الحروق في مستشفى أهل مصر، وملوش علاقة بقرار وقفه الأخير. محمد رمضان شكر جمهوره لعدم دعمه له بعد قرار إيقافه بسبب تصويره مع مشاهير من إسرائيل في حفلة في دبي.

اولا سورة التكوير غير مقررة على الصف الخامس الابتدائي السور المقررة هي القصص والحشر والملك كمان كتاب التربية الاسلامية 47 ورقة فقط يعني مفيش صفحة برقم 67 ، الصورة حقيقية لكن في دولة الأمارات ودي صورة من النسخة التجريبية لكتاب التربية الدينية سنة 2016 ، ووزير التربية والتعليم الدكتور طارق …

بايدن عنده بنت اسمها “آشلي” لكن مش اللي في الصورة. الصورة لمذيعة ومدونة روسية اسمها “كاتارينا بودار”.

مجلس الوزراء نفى الخبر وقال ان الدراسة مستمرة مع تطبيق الإجراءات الاحترازية. ومفيش اي خبر عن الإغلاق لحد دلوقتي.

كلمة  السيسي مجتزئة من مؤتمر صحفي على هامش القمة العربية الأوروبية الأولى في فبراير 2019 و ماكرون محضرش القمة دي واللي حضر هو وزير الخارجية الفرنسي وكلام السيسي كان موجه لصحفي اجنبي سأله عن حقوق الأنسان وتطبيق حكم الاعدام