أرشيف الوسم : حشرة

دي حشرة اسمها القرادة Tick، و مش بتنقل فيروس قاتل هي لو قرصت انسان مناعته ضعيفة ممكن تنقل له أمراض أشهرها طفيليات الدم ، و بعض الأمراض الريكتسية اللي نسبة الوفاة فيها من 1 – 3 %.

أولا الصورة قديمة من 2013… ثانيا ده كائن اسمه Cymotha exigua بييجي على السمكة و يدمر لسانها و يمسك في اللي يتبقى من اللسان و يبقى هو اللسان الجديد و يأكل من أكلها ثالثا هو مش مضر بالأنسان الا لو كان حي لأنه ممكن يعض.

دي صور مش حقيقية بتصور فوبيا النخاريب ( trypophobia ) وتعني الخوف من حدوث فتحات صغيرة في الجلد والخوف كمان من أي شي بيكون فيه فتحات صغيرة على سبيل المثال خلية النحل أو الفقاعات الصغيرة اللي بتبان على وش السوائل المغلية والحشرة دي إسمها حشرة الماء (water bug) ومش مؤذية..للعلم …

الصورة حقيقية في إيران لكن مش في مصر زي ما الناس فهمت.

الحشرة موجودة فعلا و بيتم استخدامها لإستخراج اللون الأحمر. بس الكلام على انها مسرطنة و بتسبب حساسية غلط تماما, بالعكس, استخدامها افضل من استخدام الألوان الصناعية و مصرح باستعمالها عالميا. الخطر الوحيد ليها هو لو حد عنده حساسية منها.