الرئيسية | دخول تامر حسني العالمية رسميا ❤❤

دخول تامر حسني العالمية رسميا ❤❤

0
0
رجاء العلم اننا بيوصلنا حوالي 40 سؤال يوميا وللاسف مش بنقدر نرد على كل الناس .. لو وصلنا لحقيقة البوست ده هننشر التصحيح بتاعه , خليك متابعنا , لو فيه أي اضفة تانية اكبتبها هنا :

يااااااااه الف الف الف مبروك يا فنان يا كبير
حقيقي انت حققت إنجاز تاريخي

بس ياترى ايه هو الإنجاز ده؟!
ركزوا معايا شوية عشان نفهم الحكاية
في مكان في هوليود اسمه “the Chinese Theatre”
المكان ده بيعرض اهم الأفلام العالمية وبتكرم نجوم عالميين
وحط الف خط تحت كلمة عالميين دي
عالمي يعني فنه مؤثر في العالم كله
حاجة كدة شبه “ال باتشينو” مثلاً
بيكرمهم عن طريق طباعة بصماتهم على لوح إسمنتي
بتتحط في فناء المسرح

سنة ٢٠١١ ابتدى المسرح يبقى تجاري
بمعنى ان اصحاب الأفلام بقوا يأجروا المسرح ويعرضوا الفيلم ويطبعوا بصمات إسمنتية براحتهم
كنوع من انواع الترويج والدعاية للأفلام

الكلام ده بأعتراف “دونالد كوشنر” احد مالكي المسرح
وقال انها “احتفالات وهمية”
لكن لحد اللحظة دي لسة في لجنة خاصة بتختار فعلاً النجوم
وبتطبعلهم بصماتهم الاسمنتية
لكن البصمات الحقيقية دي بتتحط داخل الفناء

ودلوقتي اعتقد اننا فهمنا ايه هو بالظبط الإنجاز اللي حققه الاستاذ الفشيخ تامر حسني
انه قادر ينصب على عموم الشعب المصري والعربي كله
اعتماداً على جهل وسذاجة الأغلبية

الموضوع بسيط جداً جداً جداً
هحطلكم في الكومنتات الموقع الرسمي للمسرح
ومش هتلاقوا في اي خبر عن تكريم شخص اسمه تامر حسني

هحطلكم كمان لينك ويكي للمسرح وعايزكم تقروا الجزء بتاع البصمات الاسمنتية

كمان عايز اي حد متواجد او هيتواجد في المكان ده يدخل يتفرج على فناء المسرح ويدور على بصمة نجم اللمؤخذة الجيل
لو لقاها الف بركة وألف مبروك
لكن لو ملقهاش؟!!!!!
ده الموقع الرسمي للمسرح
ياريت لو حد شاف فيه سيرة تامر حسني يوريهالنا

Main


ده لينك الويكي
ياريت نقرا الجزء ده مع بعض

https://en.m.wikipedia.org/wiki/Grauman%27s_Chinese_Theatre

  • You must to post comments
Showing 0 results
Your Answer

Please first to submit.