توضيح عن بوست سابق

معنديش أكونت ع الفيس ومش عارف أراسلكم منين عشان كده بعت من هنا ويا ريت تردوا عليا
للأسف أنا الي بعت عن بوست الحشرة الي بتسبب الثقوب، وشايل ذنب الناس الي حصلها رعب بسبب عرض الصورة، ومقتنع بالي قالوا كان لازم وضع تحذير قبل فتح الصورة أو انها تكون مبكسلة

عايز أرد برده على إلي بيقول انه مش مرض وانه مجرد قشعريرة، أنا أول ما شفت الصورة كانت على لينكدإن وكنت في الشغل، حصلي هبوط حاد وصداع رهيب وضيق تنفس وإحساس شديد بالقيء ورعشة في الجسم -شعور بالبرد- برغم ان المكان كان دافئ جدا، ومش لاقي أي حل والصورة اتزرعت في دماغي مش قادر أتصرف تماماً، وساعتها نمت وأنا في مكاني ع الكرسي ومش حاسس بأي حاجة حواليا وفضلت كده تقريبا ساعتين أو يمكن أكتر معرفش لحد ما دخل أحد الزملاء صحاني كان نوم ولا إغماء، بس سلمت عليه ورجعت نمت تاني وانا ع الكرسي، وفضل الموضوع معايا حوالي 3 أيام أفسد عليا حياتي تماماً، بعد كده بدأت أقاوم واحدة واحدة وأتعايش مع الوضع وأتعمد أشوف الصورة عشان تبقى زي النكتة الحلوة مع التكرار بتبقى بايخة والحمد لله جابت نتيجة جزئية

بس بعد ما قرأت التعليقات الي على البوست حسيت بفزع ان في ناس كتير عندها نفس الفوبيا، كمان كنت قرأت في الموضوع ان في دواء حبوب لحالات الفوبيا وبينفع مع الحالة دي كمان

لو الي اشتغل على البوست ده مخافش من الصورة أحب أوجهله نداء تاني أن ألم الصورة رهييييييييييييييييب جدا جدا جدا وبيستمر لأيام حسب تحمل كل واحد، والي شايفه كمان برغم اني راجل أن اغلب الي تأثروا بالصورة بنات، يا ريت إعادة نشر الموضوع مع وضع تحذير ومع بكسلة صورة اليد المخرمة
كمان لو اتحط رابط فيديو لطريقة عمل الأخرام دي بالفوتوشوب ممكن تهون الموضوع كتير على المرضى بفوبيا الثقوب وأنا منهم