الرئيسية | صحة | حقيقة صلاحية اللبن الحليب

حقيقة صلاحية اللبن الحليب

البوست

الحليب اللي بيتباع عندنا في مصر ده مغشوش 100 ٪ وكله
مواد حافظة و بودرة و مياة و غيره، و مالوش أصلاً أي صلة
أو علاقة باللبن الحليب الحقيقي اللي بيتباع في بلاد العالم
اللي بتحترم شعوبها، لأن ببساطة مفيش لبن طبيعي في
العالم بييقي تاريخ صلاحيته 6 شهور برة التلاجة .. لان
بالمنطق اللبن في البلاد التانية لازم يتخزن في تلاجات و
صلاحيته بتكون بالكتير 9 ايام .. ازاي بقي احنا في مصر مش
بنخزنوا في تلاجة و بيقعد صلاحية 6 شهور .. فلما تضحكوا
علي الناس اعقلوا الكلمة الاول :)



حقيقة صلاحية اللبن الحليب


الحقيقة

    * تكنولوجيا تصنيع اللبن واحدة في كل العالم .

    *صلاحية اللبن بتختلف حسب المعالجة الحرارية و العبوة:

    1 – الحليب المبستر صلاحيته 7 – 14 يوم.

    2 – الحليب المغلي UHT صلاحيته 3 – 6 شهور. و ممكن يتساب برة الثلاجة لو العبوة محكمة. ، لكن لما تتفتح العبوة لازم يحفظ في الثلاجة.

    *إذا احتوى اللبن على لبن بودرة بيكون مكتوب على العبوة.

    *بالنسبة للمواد الحافظة : ( طريقة تصنيع اللبن “يسخن 132-134 د حرارة لمدة 4 ثواني” كفيلة لقتل كل الميكروبات و تدمير كل الإنزيمات ، و يتم التعبئة في عبوة معقمة و سط بيئة معقمة بالكامل ،و بالتالي مش محتاج اي مواد حافظة).

    حقيقة صلاحية اللبن الحليب

مواضيع ممكن تعجبك