الرئيسية | صحة | حقيقة خطأ لطبيب و دواء يسبب أضرار للمرضي.

حقيقة خطأ لطبيب و دواء يسبب أضرار للمرضي.

البوست

ابن اختي عنده تضخم فاللوز فا اختي راحت للدكتور كتبلها ((البرشام )) ده ..اختي اديته لابنها بعد ربع ساعه لقيناه بيصوت و بيتشنج و بيرمي نفسه فالأرض و
بيضرب نفسه علي ودانه و بيخبط دماغه فالارض و يشد شعره فا افتكرناه عاوز كاندي او يلعب بالموبيل بس مكناش فاهمين هو بيقول ايه!!! ((بيهلوس)) مكنتش فاهمه هو بيعمل كده ليه و مجاش في دماغ اختي انه من العلاج مثلا!! قولتيلها هاتي اما نشوف ((الآثار الجانبيه)) لقيت مكتوب انه بيعمل هياج و تشنج و التهاب اذن و يحلم بكوابيس و إلتهاب معدة و ضيق تنفس و بيؤدي للإكتئاب و الانتحار و بيغير السلوك و انفعالات عدوانيه و صداع و إلتهاب الجهاز التنفسي العلوي و حجات تانيه كتير جدا !!!!!!! ازاي يعملوا ده علاج لطفل عنده سنتين؟؟؟؟ كان بيموت والله العظيم مننا امبارح الفجر ساعه متواصله من كل الاعراض دي …. فا ماحدش يديه لولاده نهائي عشان متشوفوش اللي احنا شوفناه … وحسبي الله ونعم الوكيل فالدكاتره اللي بقت بتشتغل استثمار مش اكتر …



حقيقة خطأ لطبيب و دواء يسبب أضرار للمرضي.


الحقيقة

    قبل أي حاجة حمد الله على سلامته …. نحب نوضح كذا نقطة علشان في اعتقادات كتير خاطئة في الموضوع ده …
    تقريبا معظم الأدوية إن لم يكن كلها لها أعراض جانبية و المفاضلة دايما بتكون ما بين العلاج و احتمال وجود آثار جانبية …
    و الأعراض دي مش الطبيب هو اللي بيتسبب فيها أو شركة الأدوية .. دي زي فكرة الحساسية من أكل معين .. مثلا الفراولة مع اختلاف ان دي مش شرط تبقي حساسية …
    يعني هل لما حد بيجيله حساسية من الفراولة بيلوم الفكهاني أو بيلوم الفراولة …
    الطبيب مخطئ لو وصف دواء معروف أنه بيعمل حساسية و ما عملش اختبار حساسية زي البنسلين مثلا … أو وصف الدواء لحد أقل من سن انه ياخد الدواء ده … أو وصف أدوية بتتفاعل بالسلب مع بعض أو بتأثر على بعض .. أو أدوية ما تنفعش مثلا لمرضى بأمراض معينة … كبد , فشل كلوي … هكذا …
    و  في الحالة هنا الدواء بيتاخد للسن ده عادي
    حقيقة خطأ لطبيب و دواء يسبب أضرار للمرضي.
    باختصار ما ينفعش نعمم تجربة شخصية على الناس كلها …