الرئيسية | سياسة | حقيقة تصوت مصر ضد معاقبة الجنود المتورطين بجرائم جنسية

حقيقة تصوت مصر ضد معاقبة الجنود المتورطين بجرائم جنسية

البوست

1- أمريكا في مجلس الامن قدمت اقتراح في منتهي الاحترام بيقول انه لو حد من قوات حفظ السلام عمل جريمة جنسية في بلد ما فلازم الجيش بتاعه ياخد موقف ويحاسبه ولو ده محصلش فيتم ترحيل كافة جنود الدولة الي محسبتش المخطئين منها في البلاد الأجنبية… القرار ده نتاج احداث تحرش واغتصاب حصلت من قبل قوات حفظ السلام التابعة للأمم المتحدة في الآونة الأخيرة والي أدت الي انه فيه بنات صغيرة بقي عندها أطفال والموضوع كبير يعني.

2- العالم كله متعاطف مع الموضوع ومقدر وامريكا عرضت الموضوع علي مجلس الامن

3- قوم ايه بقي يا سيدي مصر بقي داخلة مجلس الامن جديد وزي أي طالب جوا Model مصر عملت حركة ملهاش أي تفسير وملهاش كلمة في القاموس تعبر عنها (حتي الشتايم مش هتعبر)

مصر يا سيدي قالت لا… هو انا مليش كلمة ولا ايه اصحي يا عالم انا مصر… انا معترضة علي الموضوع ده وعايزه الناس تصوت معايا دلوقتي ويلا مين هيعترض (قولو نووووو)

4- العالم ادي مصر قفا كبير وتقريبا من الاحداث النادرة جدا في تاريخ مجلس الامن حصل ان مصر خدت 0 صوت مؤيد

اه والله زي ما بقولك كده… ولا دولة في العالم ايدت مصر محدش امتنع حتي لا كلهم قالوا (لأ) والدول أبدت استعجابها واستغرابها الشديد من مصر

5- مصر تسكت (لا والله ما يحصل) قوم ايه تعترض تاني وتقول انه القرار نتاج الطموحات والاهداف الشخصية للسفيرة الامريكية!



حقيقة تصوت مصر ضد معاقبة الجنود المتورطين بجرائم جنسية


الحقيقة

    بوست مضلل.
    مصر ماصوتتش ضد معاقبة الجنود..الاعتراض كان على صيغة القرار مش على مضمونه (طريقة العقاب و شروطة).

    مشروع القرار بيقول ان في حال اتهام أحد مبعوثي حفظ السلام بانتهاكات يستبدلوا جنود الفرقة دي بجنود من بلد تانية.

    مندوب مصر قال ان ده عقاب جماعي و المفروض يبقى العقاب على اللي عمل الانتهاك بس و كمان اللي يعاقبه الامم المتحدة مش مجلس الأمن. التعديل ده وافق عليه في الأول روسيا و الصين و انجولا و فنزويلا بس كان كان لازم 9 على الاقل يوافقوا فتم رفض التعديل و تم الموافقة على النص و مصر امتنعت عن التصويت .

    حقيقة تصوت مصر ضد معاقبة الجنود المتورطين بجرائم جنسية