البوست

ارجوا الاهتمام تانج فرييز اللى مغرق السوق وخلصان اول باول من عند السوبر ماركت مكتوب علية
– يحتوي على مصدر للفينيل الانين يوريا
دى مادة بتعمل خلل عند الاجنة وتخليهم يصابوا بامراض كتيرة اكثرها التخلف العقلي

كمان بيحذروا من الاستخدام للاطفال اقل من 3 سنين ودى مصيبة تانية لان اطفال كتير في السن دا بيشربوة

كمان بيحذروا حالات الحمل والرضاعه ودى مصيبة تالته لاننا بالفعل شربناه انا ومراتى وبنتي اللى عندها سنه

انا عمرى ماطلبت من حد شير بس دا موضوع مهم جدا وانا اكتشفته بالصدفة وعمر ما حد هياخد بالة منه
شييييييييييييييييييييييييييييييييييييييييييييييييييييير يمكن تنقذ ام وطفلها ومرضي النوع دا من التخلف العقلي

الحقيقة

الفينيل ألانين ده حمض اميني موجود في كل البروتينات ( الخضروات أو الحيوانات ) و جسم الأنسان بيحتاجه باعتباره جزء متمم لجميع البروتينات في الجسم.
و بيتم استخدامه كمحلي صناعي.

فيه ناس عندها مرض وراثي نادر (الفينيل كتنيوريا) الناس دي معندهمش الانزيم اللازم لهضم الفينيل ألانين و هنا الخطر , لأن الفائض منه الكبد بيحوله لمجموعة من المركبات السامة و ده اللي ممكن يسبب تخلف عقلي.

عشان كده غير مناسب للأطفال اقل من 3 سنوات و للحوامل خوفا من إن المرض يكون عند الطفل و لسة ماظهرش.

من الاخر لو انت انسان طبيعي مفيش مشكلة منه.