البوست

أحد الشباب، فى سن الواحد و العشرين، كان يرتدى زوجاً من العدسات اللاصقة فى حفل شواء، هذا الشاب كان يشوى اللحم و ظل محدقا فى النار لمدة دقيقتين أو ثلاث دقائق،
ثم إبتعد و بدأ يصرخ و ظل يقفز و يتألم و لم يدرك أصدقائه سبب تألمه، عندما ذهب إلى المستشفى، قال الطبيب بأنه أصيب بالعمى الدائم و فسر ذلك بأن العدسات اللاصقة
مصنوعة من البلاستيك، و إرتفاع درجة حرارة النار أدى إلى إنصهار العدسات اللاصقة على أعين هذا الشاب.

الحقيقة

الخرافة دي منتشرة من 2002 و مش حقيقية .
المادة المصنوع منها العدسات هي مادة اسمها “هيدروجيل” وهي من المواد المُحبّة للماء، ودي بتمتص جزء من الدموع الموجودة في العين علشان تفضل طرية ولينة دايماً، والعين البشرية دايما بيكون فيها دموع، يعني دايما العدسة هيكون فيها نسبة من الميّة ومش هتجف، وبالتالي نسبة حدوث انصهار للعدسة على العين بمجرد النظر للنار هيوصل للصفر .
لو حد فضل معرض للنار فترة كل اللي ممكن يحصل ان الدموع تتبخر بشكل اسرع و يحصل للعين حالة جفاف مؤقت و يبقى صعب يشيل العدسة . بس مش هتسيح الا لو هو نفسه بقى في النار و بيتحرق.